တနင်္သာရီတိုင်းဒေသကြီး၊ မြိတ်မြို့သည် ရေပတ်လည်ဝိုင်းနေသည့်အတွက် ရေလုပ်ငန်းများ လုပ်ကိုင်ကြသည့်အပြင် မွေးမြူရေးလုပ်ငန်းများလည်းလုပ်ကိုင်လျက်ရှိပါသည်။ ဒေသတွင်း မွေးမြူ ရေးများထဲမှ နွားမွေးမြူရေးသည်လည်း ဒေသခံများ၏လူမှုစီးပွားရေးအတွက် များစွာအကျိုးပြုလျက် ရှိပါသည်။ အဆိုပါနွားမွေးမြူရေးလုပ်ငန်းများမှ ထွက်ရှိလာသော နွားနို့များကို လက်ဖက်ရည်ဆိုင်များ နှင့် ဒိန်ချဉ်အရောင်းဆိုင်များတွင် ရောင်းချလျက်ရှိပြီး ဒိန်ချဉ်များ ပြုလုပ်ရောင်းချကြသည်။ ဒေသ ထွက်ဒိန်ချဉ်ကို ထုတ်ပိုးမှုအမျိုးမျိုးဖြင့် ရောင်းချလျက်ရှိပြီး ကုန်တိုက်နှင့် အအေးဆိုင်များတွင် အဓိကထား ရောင်းချကြသည်။
မြိတ်မြို့အတွင်းရောင်းချလျက်ရှိသော ဒိန်ချဉ်စျေးနှုန်းမှာ တစ်ခွက်လျှင် ၂၀၀၀ ကျပ်ခန့်ရှိပြီး အမျိုးအစား၊ အရွယ်အစားပေါ်မူတည်၍ စျေးနှုန်းကွဲပြားလျက်ရှိကြောင်းသိရှိရပါသည်။
DOCA(တနင်္သာရီ)