မကွေးတိုင်းဒေသကြီး၊ မကွေးခရိုင်၊ မကွေးမြို့ ကုန်သည်များနှင့် စက်မှုလက်မှုလုပ်ငန်းရှင်များ အသင်း (မကွေးကုန်စည်ဒိုင်)၌ ၂၀၂၅-ခုနှစ်၊ နိုဝင်ဘာလ (ပထမပတ်)တွင် ပဲတီစိမ်း၊ ပဲနောက်၊ ပဲလွန်းဝါ၊ နှမ်းများအရောင်းအဝယ် အများဆုံးဖြစ်ပေါ်လျက်ရှိကြောင်း သိရသည်။
၂၀၂၅-ခုနှစ်၊ နိုဝင်ဘာလ(ပထမပတ်)တွင် ပဲတီစိမ်း (၁)တင်းလျှင် ကျပ်(၁၂၅၀၀၀)၊ ပဲနောက် (၁)တင်းလျှင် ကျပ်(၁၂၅၀၀၀)ဖြစ်ပြီး ကျန်ပဲများမှာ ဈေးနှုန်းပြောင်းလဲမှုမရှိကြောင်း၊ အောက်တိုဘာလ (စတုတ္ထပတ်)နှင့် နှိုင်းယှဉ်ပါက ယခုတစ်ပတ်တွင် ပဲတီစိမ်း(၁)တင်းလျှင် ကျပ်(၅၀၀၀)နှင့် ပဲနောက် (၁)တင်းလျှင် ကျပ်(၇၀၀၀)စျေးနှုန်း အနည်းငယ်မြင့်တက်၍ အရောင်းအဝယ်ဖြစ် လျက်ရှိကြောင်း၊ ရန်ကုန်နှင့် မန္တလေးမြို့များသို့ တင်ပို့လျက်ရှိကြောင်း သိရှိရပါသည်။
DOCA(မကွေး)