တောင်ငူမြို့နယ်အတွင်းရှိ ကြက်သွန်ပွဲရုံများတွင် ကြက်သွန်နီကို အသေး၊ အလတ်၊ အကြီး သုံးမျိုး ရောင်းချလေ့ရှိရာ ယခုအပါတ်တွင် ကြက်သွန်နီ အသေး ၁၀ ပိဿာဝင် ၁ အိတ်လျှင် ၅၀၀၀ ကျပ်၊ အလတ် ၁၀ ပိဿာဝင် ၁ အိတ်လျှင် ၇၀၀၀ ကျပ်၊ အကြီး ၁၀ ပိဿာ ဝင် ၁ အိတ်လျှင် ၁၁၀၀၀ ကျပ်သာရှိသော်လည်း ကြက်သွန်မြိတ်များမှာ ဈေးကောင်းလျက်ရှိပါသည်။ ကြက်သွန်မြိတ်ကို ဟင်းချက်ရာနှင့်စားသောက်ဆိုင်များတွင် ဟင်းချိုချက်ရာတွင် အသုံးများလေ့ရှိရာ ကြက်သွန်မြိတ် ၁၀ ကျပ်သားလျှင် ၁၀၀၀ ကျပ် ၊ ၂၅ ကျပ်သားလျှင် ၂၀၀၀ ကျပ်၊ ၁ ပိဿာလျှင် ၇၅၀၀ ကျပ်ထိ ဈေးပေးရပြီး ကြက်သွန်မြိတ်များ လှိုင်လှိုင်ပေါ်ပါက ဈေးနှုန်းကျဆင်းနိုင်ကြောင်း ရောင်းချသည့် ဈေးသည်များထံမှ သတင်းရရှိပါသည်။
DOCA(ပဲခူး)