တနင်္သာရီတိုင်းဒေသကြီး၊ ထားဝယ်မြို့၊ ကမ်းနားပျံကျဈေးတွင် သံပုရာသီးနှင့် ရှောက်သီးများ ရောင်းချလျက်ရှိကြောင်း သိရှိရပါသည်။ သံပုရာသီးနှင့် ရှောက်သီးများကို ဒေသတွင်း တစ်နိုင်တစ်ပိုင် အနေဖြင့် စိုက်ပျိုးကြပြီး သံပုရာသီးနှင့် ရှောက်သီး များစိုက်ပျိုးသော တောင်သူများ ဝင်ငွေတိုးတက် လျက်ရှိကြောင်း သိရှိရပါသည်။ သံပုရာသီးနှင့် ရှောက်သီးသည် ဗီတာမင်စီဓာတ် အလွန်ကြွယ်ဝသည့် အသီးဖြစ်သောကြောင့် ကိုယ်အလေးချိန်ကို ထိန်းညှိပေးနိုင်ခြင်း၊ အရေပြားကို ကျန်းမာစေခြင်း၊ အစာကြေရင်ချောင်စေခြင်းနှင့် ခံတွင်းအနံ့ဆိုးကို လျှော့ချပေးနိုင်ခြင်း စသည့် အကျိုးကျေးဇူးကို ရရှိပါသည်။ ၂၀၂၅ ခုနှစ်၊ နိုဝင်ဘာလ ပထမပတ်အတွင်း တနင်္သာရီတိုင်းဒေသကြီး၊ ထားဝယ်မြို့၌ ဖြစ်ပေါ်နေသော သံပုရာသီးနှင့် ရှောက်သီးဈေးနှုန်းမှာ သံပုရာသီး အရွယ်အစား အကြီး/အသေး အပေါ်မူတည်၍ တစ်လုံး လျှင် (၃၀ဝိ/-) ကျပ်မှ (၅၀၀ိ/-)ကျပ်ဖြင့် အရောင်းအဝယ်ဖြစ်လျက်ရှိပြီး၊ ရှောက်သီး(အသေး) (၁)လုံးလျှင် (၅၀၀ိ/-)ကျပ်နှင့် ရှောက်သီး(အကြီး) (၁)လုံးလျှင် (၉၀၀ိ/-)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက်ရှိကြောင်း ကုန်စိမ်းသီးနှံမျိုးစုံ ရောင်းချနေသော ဈေးသည် တစ်ဦးထံမှ သိရှိရပါသည်။
DOCA(တနင်္သာရီ)