တောင်ငူမြို့နယ်အတွင်းရှိ ညောင်ပင်လေးဈေးသို့ တောင်ငူဒေသနှင့်အနီးတစ်ဝိုက်ရှိ ကျေးရွာများဖြစ်သည့် ရှမ်းဝတီး၊ ဆိတ်ဖူးတောင်နှင့်ဒိုးသောင်ဘက်မှ ဒေသထွက်ဟင်းသီးဟင်းရွက် သီးနှံများလာရောက် ရောင်းချလျက်ရှိသည်။
ဗုံးလုံသီးကို ကြော်စားခြင်း သို့မဟုတ် ကြက်ဥနှင့်တွဲဖက်၍ ကြော်စားခြင်း၊ ဗုံလုံသီးထဲသို့ ကြိုက်နှစ်သက်သည့် အသား /ငါးများအစာသွတ်၍ချက်စားခြင်း၊ ငါးပိရည်နှင့်တွဲဖက်၍ အတို့အမြှုပ် အဖြစ် စားသုံးခြင်းဖြင့် အမျိုးမျိုးပြုလုပ် စားသုံးနိုင်ပါသည်။ ယခုအချိန် အောက်တိုဘာလသည် ပေါ်ဦးပေါ်စကာလ ဖြစ်သောကြောင့် ဗုံလုံသီး ၁ တောင့်လျှင် ၆၀၀ ကျပ်၊ ၁၀ တောင့်ပါ ၁ ထုံးလျှင် ၅၀၀၀ ကျပ်ပေးရပြီး၊ ဗုံးလုံသီးများလှိုင်လှိုင်ပေါ်ချိန်ရောက်ပါက ဈေးနှုန်းကျဆင်းလာနိုင်ပြီး ၊ ပဲတောင့်ရှည်သီးမှာတော့ ပဲသီးအရွယ်အစားအလိုက် ဈေးနှုန်းကွာခြားလျက်ရှိရာ ပဲသီး ၇၅ တောင့်ပါ ၁ ထုံးလျှင် ၃၀၀၀ ကျပ် မှ ၄၅၀၀ ကျပ်အထိ ဈေးရှိပြီး အရောင်းသွက်လျက်ရှိကြောင်း ရောင်းချသည့် ဈေးသည်များထံမှ သတင်းရရှိပါသည်။
DOCA(ပဲခူး)