ရှားပါး၍ စျေးကောင်းရရှိသည့် ရေထွက်ကုန် သံပခြုပ်

     သံပခြုပ်ကို မြန်မာနိုင်ငံ ချောင်းသာ၊ ငွေဆောင်နှင့် မြိတ်ကျွန်းစုများတွင် တွေ့ရှိနိုင်ပြီး ပင်လယ်ကမ်းခြေများတွင်လည်း တွေ့ရှိနိုင်သည်။ ဒေသအခေါ် သံပခြုပ်ဖြစ်ပြီး အင်္ဂလိပ်အမည်မှာ ‘Sea Urchin’ ဖြစ်သည်။ ပုံသဏ္ဍာန်မှာ ကြက်မောက်သီး ပုံစံနှင့်ဆင်တူပြီး အရွယ်အစားပါတူညီလျက်ရှိသည်။ သံပခြုပ်မှာ ဗီတာမင် A,C ပါဝင်တာကြောင့် ခန္ဓာကိုယ်ကျန်းမာကြံ့ခိုင်မှုအတွက် အားဖြည့် ပေးနိုင်ပြီးရောဂါတွေကိုခုခံနိုင်စွမ်းကောင်းမွန်စေနိုင်ပါသည်။ သံပုရာသီးနှင့် သုပ်စားကြသလို ကြက်ဥများနှင့်  ယမကာရည်များဖြင့်လည်း တွဲဖက်စားသုံးကြသည်။ ယခုနောက်ပိုင်းတွင် သံပခြုပ်ရှားပါး လာပြီး ကျွန်းများတွင်သာရရှိနိုင်ကြောင်း သိရှိရပါသည်။ လက်ရှိတွင် သံပခြုပ်စျေးနှုန်းမှာ တစ်ကီလို လျှင် ၃၀၀၀၀ခန့် အထိစျေးရရှိကြောင်း သိရှိရပါသည်။

DOCA(တနင်္သာရီ)