စားသုံးသူရေးရာဦးစီးဌာန၊ ကျောက်ပန်းတောင်းမြို့နယ်တာဝန်ခံရုံးမှ မြို့နယ်ုတာဝန်ခံ နှင့်ဝန်ထမ်းများသည် မြန်မာ့ဆက်သွယ်ရေးလုပ်ငန်းမှ တာဝန်ရှိသူများနှင့်ပူးပေါင်း၍ (၂၈.၉. ၂၀၂၅)ရက်နေ့၊ နေ့လည် ၁၄:၀၀ နာရီအချိန်တွင် ကျောက်ပန်းတောင်းမြို့ရှိ Mytel အင်တာနက် ဝန်ဆောင်မှုလုပ်ငန်းအားကွင်းဆင်း၍ အသိပညာပေးခြင်းများဆောင်ရွက်ခဲ့ပါသည်။
ပူးပေါင်းအဖွဲ့ဝင်များမှ တာဝန်ရှိသူများသည် အင်တာနက်ဝန်ဆောင်မှုလုပ်ကိုင်သူများအနေဖြင့် သုံးစွဲသူများအား လုံလောက်သည့် သတင်းအချက်အလက်များကို အသိပေးဖော်ပြပေးရန် လိုအပ် ပါကြောင်း၊ သတင်းအချက်အလက်များပေးရာတွင် ပြည့်စုံမှန်ကန်မှု၊ ရှင်းလင်းမှုနှင့်ကြိုတင်အသိပေး ဆောင်ရွက်မှုများကိုလည်း သုံးသူများများစိတ်ကျေနပ်မှုရှိရန်လိုအပ်ပါကြောင်း၊ လက်ရှိတွင် အင်တာ နက်လိုင်းကြောင့် သုံးစွဲသူများစိတ်ကျေနပ်မှုမရှိ၍ တိုင်းကြားအရေးဆိုမှုများသည် အများအများ ဖြစ်ပေါ်လျက်ရှိပါကြောင်း၊ ဝန်ဆောင်မှုလုပ်ငန်းများ၏ အာမခံချက်နှင့်စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေးများရှိပါကြောင်း၊ စီးပွားရေးလုပ်ငန်းရှင်သည် စားသုံးသူကာကွယ် ရေးဥပဒေ ပုဒ်မ ၂၆ အရ စားသုံးသူအပေါ် အာမခံချက်ပေးထားသည့်ကာလတိုင်း ဝန်ဆောင်မှု မပေးနိုင်လျှင် သို့မဟုတ် ဝန်ဆောင်မှုပေးရန် ပျက်ကွက်လျှင် ဝန်ဆောင်မှုပေးရန်ပျက်ကွက်ခဲ့မှုကြောင့် နစ်နာဆုံးရှုံးမှုဖြစ်ခဲ့လျှင် ယင်းအတွက် လျော်ကြေးပေးရန်၊ အာမခံထားသော အချိန်ကာလအတွင်း သဘောတူညီထားသော ဝန်ဆောင်မှုကိုမရခဲ့လျှင် စားသုံးသူ၏နစ်နာမှုအတွက် ကုစားခွင့်ပေးရန် စားသုံးသူမှ တောင်းဆိုပိုင်ခွင့်ရှိကြောင်းနှင့် စီးပွားရေးလုပ်ငန်းရှင်၏ တာဝန်များ၊ တားမြစ်ချက်များကို အသိပညာပေးခဲ့ကြောင်း၊ ဆက်လက်၍ မြန်မာ့ဆက်သွယ် ရေးလုပ်ငန်းမှ တာဝန်ရှိသူများမှလည်း အသိပညာပေး ဆွေးနွေးခဲ့ကြောင်း သိရသည်။
DOCA(မန္တလေး)