ဧရာဝတီတိုင်းဒေသကြီး မအူပင်ခရိုင် စားသုံးသူရေးရာဦးစီးဌာန၌မအူပင်ခရိုင် ဆီလုပ်ငန်းရှင် များအသင်းနှင့် ဆီကုန်သည်များနှင့် မအူပင် စားသုံးဆီ လက်လီ/လက်ကား အရောင်းဆိုင်(၁၂)ဦးအား စားသုံးသူရေးရာဦးစီးဌာန မအူပင်ခရိုင်ဦးစီးမှူးရုံးတွင် ဖိတ်ကြားတွေ့ဆုံ၍ ဒုခရိုင်ဦးစီးမှူး ဦးအောင်ဇော်ဦးမှ အသိပညာပေး ဆွေးနွေးမှုကို (၂၅.၁၀.၂၀၂၅)ရက်နေ့ နံနက် (၁၀:၀၀)နာရီတွင် ပြုလုပ်ခဲ့ပါသည်။
ထိုသို့ဆွေးနွေးရာတွင် မအူပင်ခရိုင်တွင် စားအုန်းဆီခွဲတမ်း ရရှိသည် ဆီကိုယ်စားလှယ်များမှ ကုမ္ပဏီ နှစ်ခုဖြင့်သတ်မှတ်စည်းကမ်းများနှင့်အညီ စာချုပ် ချုပ်ဆိုထားပြီး စားဆီ ခွဲတမ်း ရရှိသည့် ဆီအရောင်းဆိုင်များမှ ဗီနိုင်းချိတ်၍နေ့စဉ် ရရှိသော ဆီပေပါ၊ သတ်မှတ်ရည်ညွှန်းရောင်းဈေး၊ များကို ချိတ်ဆွဲ ဖော်ပြ၍ ရောင်းချရန်၊ စစ်ဆေးရေးအဖွဲ့မှအသွင်ယူစစ်ဆေးပါက သတ်မှတ်ချက်များအတိုင်း မညီညွှတ်ပဲ ရောင်းချနေပါကအရေးယူဆောင်ရွက်ခံရမည်ဖြစ်ကြောင်း၊ နေ့စဉ် ရောင်းချရမှု နေ့စဉ်စာရင်းများကို အသင်းသို့ ပေးပို့ရသလို၊ ကုမ္ပဏီသို့ပေးပို့ရကြောင်း၊ ရပ်ကွက်နေပြည်သူများ ဆီထုတ်ယူခွင့်စာအုပ်ဖြင့် အိမ်ထောင်စုအလိုက်အပြည့်အဝရရှိနေပြီး ကျေးရွာများသို့ပါ ရရှိစေရေးအတွက် ဌာနမှ ကြပ်မတ်ဆောင်ရွက်လျက်ရှိကြောင်း၊ စစ်ဆေးရေးအဖွဲ့များမှ လည်း လစဉ် စစ်ဆေးဆောင်ရွက်ခြင်းများ မပြတ်စစ်ဆေးမည်ဖြစ်ကြောင်း စနစ်တကျမှန်ကန်စွာ ပုံမှန်ရောင်းချနိုင်ရေး အသိပညာပေး ဆွေးနွေးခဲ့ပြီး မအူပင်ဆီရောင်းချသူ လုပ်ငန်းရှင် ၁၂ ဦးတက်ရောက်ခဲ့ကြောင်း သိရသည်။
DOCA(ဧရာဝတီ)