မုန်ညင်းဖူးသည် အပွင့်ဝါဝါလေးများနှင့်အရွက်စိမ်းစိမ်းရှိကာ အရွက်ထက်ပင်စည်ရိုးတံကို ကြော်စားလေ့ရှိပြီး ငါးပိရည်အတို့အမြှုပ်အဖြစ် မုန်ညင်းဖူးကို ပြုတ်စားခြင်း၊ ချဉ်ရည်ဟင်းအဖြစ် ချက်စားခြင်းတို့ ပြုလုပ်စားသုံးနိုင်ပါသည်။ မုန်ညင်းဖူးသည် အအေးကြိုက်သော သီးနှံဖြစ်သော ကြောင့် မေလမှ ဒီဇင်ဘာလအထိ စိုက်ပျိုးနိုင်ပြီး စိုက်ပျိုးပြီးအချိန်မှစ၍ ရက်ပေါင်း ၂၅ ရက်မှ ရက် ၅၀ အတွင်းစားသုံးနိုင်ပါသည်။ မုန်ညင်းဖူး အဓိကပေါ်ချိန်သည် အောက်တိုဘာလမှ ဖေဖော်ဝါရီလလောက်အထိဖြစ်ပြီး ထိုကာလများတွင် တွေ့ရသော မုန်ညင်းဖူးသည် ပို၍ လတ်ဆတ်ကာအရသာချိုမြပါသည်။
တောင်ငူမြို့နယ်အတွင်းရှိ ညောင်ပင်လေးဈေးတွင် မုန်ညင်းဖူး ၁ စည်းလျှင် ၇၀၀ ကျပ် ဖြင့် ရောင်းချနေပြီး ယခုအောက်တိုဘာလသည် မုန်ညင်းဖူးများ စတင်ပေါ်ချိန် ဖြစ်သောကြောင့် ဈေးကောင်းလျက်ရှိနေပြီး နောက်ပိုင်းကာလများတွင် ဈေးနှုန်းကျဆင်းနိုင်ကြောင်း သိရသည်။
DOCA(ပဲခူး)