အိမ်ရှင်မများသည် မိမိတို့အိမ်တွင် အပျင်းပြေစေရန် သရေစာ မြန်မာမုန့်များနှင့် အကြော်စုံများကို တစ်ခါတစ်ရံ ပြုလုပ်စားလေ့ရှိကြသည်။ အကြော်စုံများထဲမှ ရှမ်းငါးပေါင်းကြော်ကိုလည်း လုပ်စားကြသည်။
ရှမ်းငါးပေါင်းကြော်ပြုလုပ်ရာတွင် ပါဝင်မှုပမာဏအနေဖြင့် ကောက်ညှင်းတစ်ပြည်ကို ဆန် နို့ဆီဗူး ၂လုံး ရောစပ်၍ မုန့်နှစ်ရအောင် ကြိတ်ရပါသည်။ ကြိတ်ထားသော မုန့်နှစ်များကို ၄ နာရီ မှ ၅နာရီခန့် စစ်ထားရသည်။ စစ်ပြီးသား မုန့်နှစ်များကို ပဲမှုန့်စိမ်း (၅)ကျပ်သားခန့်၊ ယိုးဒယားမယ်အသေး (၁) ထုတ်၊ ကြက်သွန်နီ (၁)ပိဿာ၊ ကြက်သွန်ဖြူ (၁၀)ကျပ်သား၊ အားလူး (၅၀) ကျပ်သားတို့ကို ဂျင်း၊အချိုမှုန့်၊နနွင်းမှုန့်နှင့် မဆလာတို့ လိုအပ်သလို ထည့်၍ သမအောင် ရောနယ်ရသည်။
အဆိုပါ မုန့်နှစ်များကို အသင့်တည်ထားသော ဆီပူအိုးထဲသို့ ထည့်ကြော်ခြင်းဖြင့် ရှမ်းငါးပေါင်းကြော်အဖြစ် ရလာသည်။ ထို့ပြင် မိမိနှစ်သက်ရာ အသား(သို့မဟုတ်)ငါး တစ်မျိုးမျိုး ထည့်၍လည်း ကြော်စားနိုင်သေးသည်။
ရောင်းချသူများအနေဖြင့် ရှမ်းငါးပေါင်းကြော် ဒိုးဝိုင်းစာ ၁ခုလျှင် (၂၅၀)ကျပ်၊ ၄ခုကို (၁၀၀၀)ကျပ်ဖြင့် ရောင်းချပြီး မိမိတို့အိမ်တွင်လည်း အလွယ်တကူလုပ်စားနိုင်ကြောင်း ရှမ်းငါးပေါင်းကြော် ရောင်းချသည့် ဈေးသည်ထံမှ မေးမြန်းသိရှိရပါသည်။
DOCA(ပဲခူး)