ဗုဒ္ဓဘာသာမြန်မာလူမျိုးများသည် မိမိတို့နေအိမ်များရှိ ကိုးကွယ်ကြသော မြတ်စွာဘုရား ရုပ်ပွားတော်များအား ဘုရားပန်းအမျိုးမျိုးဖြင့်ကပ်လှူကြရာ သစ္စာပန်းများကိုလည်း ဘုရားပန်း များအဖြစ် လှူဒါန်းပူဇော်ကြကြောင်းသိရှိရသည်။ မြင်းခြံဈေးကွက်တွင်ရောင်းချနေသော ဘုရား ပန်းများကို မန္တလေးတိုင်းဒေသကြီး ပြင်ဦးလွင်မြို့တို့မှ မှာယူ၍ ဒေသတွင်းဖြန့်ဖြူး ရောင်းချ ကြောင်း၊ ၂၀၂၅ခုနှစ်၊အောက်တိုဘာလ ပထမပတ်တွင် အေးမြသီတာဈေးနှင့်မြို့မဈေးတို့တွင် ရောင်းချ နေသောသစ္စာပန်း(၁၀)ခတ်ပါ တစ်စည်းလျှင် (၃၅၀၀-၄၀၀၀)ကျပ်ခန့် ပေါက်ဈေးများဖြင့် ရောင်းချလျက်ရှိကြောင်းသိရှိရသည်။ ၎င်းပန်းသည်ဘုရားပန်းလှူရာတွင် တာရှည်ခံသော၍ ဝယ်ယူမှုများပြားကြောင်း ဘုရားပန်းရောင်းချသူ၏ပြောပြချက်အရသိရှိရသည်။ မြန်မာလူမျိုးများသည်ဘုရားပန်းလှူသလို၊ သစ္စာပန်းများကိုလည်း ပန်းပွဲတော်များ၌ အလှဆင် ရန်မြင်ကွင်းများ၊ ဥယျာဉ်များ၊ ပန်းခြံများနှင့်အလှူမင်္ဂလာပွဲများတွင် လည်းပန်းအလှ ဆင်ခြင်း၊ စီးပွာရေးနှင့်ပတ်သက်သောပွဲများတွင် ပန်းအဆင်အပြင်များ အဖြစ်လည်းအသုံး ပြုကြကြောင်း သိရှိရသည်။
DOCA(မန္တလေး)