ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ဈေးကွက်အတွင်းရှိ ကုန်ခြောက် ဆိုင်များတွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့် အညီ ရောနှောဆီအပါအဝင် အမှတ်တံဆိပ်ပြည်တွင်းထုတ် စားသုံးဆီများ ဖြန့်ဖြူးရောင်းချနေမှု အခြေအနေအား အောက်တိုဘာလ(၉)ရက်နေ့၊ နံနက်(၀၉:၃၀)နာရီအချိန်တွင် ရပ်ကွက်များနှင့် မြို့နယ်စည်ပင်သာယာမြို့မဈေးအတွင်း/အပြင်ရှိ ဈေးဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်း၊ ဒုတိယဦးစီးမှူး ဒေါ်နီလာဝင်းနှင့် မြို့နယ်စည်ပင်သာယာရေးအဖွဲ့မှ မြို့မဈေးတာဝန် ခံ ဦးအေးသွင်တို့သည် မြို့မရပ်ကွက်၊ ပြည်တော်သာရပ်ကွက်၊ တာလမ်းသစ်ရပ်ကွက်၊ မကျီးတန်း ရပ်ကွက်နှင့် မြို့နယ်စည်ပင်သာယာမြို့မဈေးအတွင်း/အပြင်ရှိ အခြေခံစးသောက်ကုန်ပစ္စည်း အမျိုးမျိုးတို့ ဖြန့်ဖြူးရောင်းချပေးလျက်ရှိသော ဈေးဆိုင်များ၌ စားသုံးဆီအမျိုးမျိုးနှင့် စပ်လျဉ်း သည့် ကုန်အညွှန်းအမှတ်အသားဖော်ပြရမည့်အချက်များမှ မြန်မာဘာသာဖြင့် ဖော်ပြရမည့် ပင်ရင်းပါဝင်ပစ္စည်းကို အခြေခံဖော်ပြရန်ရည်ရွယ်၍ ကုန်အညွှန်းအမှတ်အသား ဖော်ပြမှုညွှန်ကြား ချက်အမှတ်(၁/၂၀၂၁)အား ၂၀၂၁ခုနှစ်၊ ဒီဇင်ဘာလ (၂၀)ရက်နေ့တွင် ထုတ်ပြန်ထားပြီး သက်ဆိုင် ရာစီးပွားရေးလုပ်ငန်းရှင်များ လိုက်နာရမည့် ဟင်းသီးဟင်းရွက်( Vegetable Oil Cooking Oil) ကုန်အညွှန်းအမှတ်အသား ဖော်ပြပါရှိရမည်ဖြစ်သော်လည်း ယခုအချိန်အထိ ရာနှုန်းပြည့်မီအောင် လိုက်နာဆောင်ရွက်ခြင်းများ မရှိသည့်အတွက် စဉ်ဆက်မပြတ်ကွင်းဆင်းဆောင်ရွက်လျက်ရှိ ကြောင်း ကော့မှူးမြို့နယ် ဈေးကွက်အတွင်း ညွှန်ကြားချက်အမှတ်(၁/၂၀၂၁)နှင့် ကိုက်ညီမှုရှိ သော စားသုံးဆီအမျိုးမျိုးတို့ကိုသာ ဝယ်ယူပြန်လည်ဖြန့်ဖြူးရောင်းချပေးကြရန် စားသုံးသူ ကာကွယ်ရေးအသိပညာပေး ဆွေးနွေးပြောကြားခဲ့ကြောင်း သိရှိရပါသည်။
DOCA(ရန်ကုန်)