၂၀၂၅ ခုနှစ် အောက်တိုဘာလ၏ ကြက်သွန်ဖြူသီးနှံဈေးနှုန်းများမှာ လက်ကား တစ်ပိဿာ လျှင် (၄၀၀၀-၄၅၀၀)ကျပ် နှင့် လက်လီ တစ်ပိဿာလျှင် (၅၀၀၀-၆၀၀၀)ကျပ် ဈေးပေါက်ခဲ့ပါသည်။
စိုက်ဧကများသောတောင်သူများနှင့်ကုန်သည်အချို့တို့မှ ၂၀၂၅ခုနှစ်မေလနှောင်းပိုင်းမှ စတင်၍ သိုလှောင်ထားခဲ့ ရာ သိုလှောင်ကာလကြာမြင့်လာခြင်း၊ ကုန်စည်အရည်အသွေးကျဆင်း လာမည့် အခြေအနေများကြောင့် ဈေးကွက်သို့ အမြောက်အမြား ပို့ဆောင်ရောင်းချခြင်းကြောင့် ကုန် စည် ဖောင်းပွမှုဖြစ်ပေါ်၍ ဈေးကျဆင်းရကြောင်း လေ့လာသိရှိရပါသည်။
ယခင်နှစ်ကာလတူနှင့် နှိုင်းယှဉ်လျှင် ဈေးကွာဟချက်ကြီးမား၍ ကြက်သွန်ဖြူစိုက်တောင်သူ များအနေဖြင့် တွက်ခြေကိုက် စိုက်ပျိုးမှု အခြေအနေရှိခဲ့သော်လည်း အကျိုးအမြတ်နည်းပါးကြောင်း သိရှိရပါသည်။ကြက်သွန်ဖြူအသစ်များမှာ နှစ်ကုန်ပိုင်းကာလတွင် ထွက်ပေါ်လာနိုင်၍ အဟောင်း လက်ကျန်များအား ဈေးကွက်သို့ တင်ပို့ရောင်းချခြင်းဖြစ်ပါသည်။
ဝါကျွတ်ကာလမတိုင်မီ ဈေးကျလာခဲ့သော ကြက်သွန်ဖြူမှာ ဝါကျွတ်ပွဲတော်အပြီးတွင် ဈေးအ နည်းငယ်ပြန်လည်တက်လာပြီး ဈေးကွက်ဝယ်လိုအားလည်းပြန်လည်ကောင်းမွန်လာနိုင်သဖြင့် ကြက်သွန်ဖြူ ဈေးနှုန်း၊ဈေးကွက် ဆက်လက်ကောင်းမွန်နိုင်ကြောင်း လေ့လာရေးသားအပ်ပါသည်။
DOCA(ှရှမ်း)