စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံး၊ သရက်မြို့နယ် တာဝန်ခံနှင့်ဝန်ထမ်းများသည် (၈.၉.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် သရက်မြို့၊ ရွှေဘုံသာရပ်ကွက်နှင့်ဈေးရပ်ကွက်ရှိ ကုန်စုံဆိုင်(၂)ဆိုင်သို့ သွားရောက်၍ လက်လီ၊ လက်ကား ရောင်းချနေသော စားသုံးဆီဘူးအမျိုးမျိုးအားဈေးကွက်စောင့်ကြည့်စစ်ဆေးခဲ့ကြောင်း သိရသည်။
ထိုသို့ ဈေးကွက်စောင့်ကြည့်စစ်ဆေးရာတွင် စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်အညွှန်းအမှတ်အသားပြဌာန်းချက်များနှင့် ကိုက်ညီမှုရှိ/ မရှိ၊ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) အရ မြန်မာသာသာဖြင့် ဖော်ပြရမည့်အချက်များနှင့် ကိုက်ညီမှုရှိ/ မရှိ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသည့် (၁/၂၀၂၁)တို့နှင့်အညီ ဖော်ပြပါရှိမှု ရှိ/ မရှိနှင့် အစားအသောက်နှင့်ဆေးဝါးကွပ်ကဲရေးဦးစီးဌာန(FDA) မှ ထောက်ခံချက်များ ပါရှိမှုရှိ/ မရှိတို့အား စစ်ဆေးခဲ့ရာ ပြည့်စုံမှုရှိကြောင်း စစ်ဆေးတွေ့ရှိရပြီး ကုန်စုံဆိုင်ပိုင်ရှင်(၂)ဦးအား ရောင်းချနေသော စားသုံးဆီဘူးအမျိုးမျိုးတို့တွင်လည်းကောင်း၊ အခြားကုန်စည်များတွင်လည်းကောင်း၊ ကုန်အညွှန်းအမှတ်အသားပြည့်စုံသည့် ကုန်စည်များကိုသာ ရောင်းချစေရန်နှင့် စားသုံးသူကာကွယ်ရေး ဥပဒေ၂၀၁၉ပါ ပြဌာန်းချက်များကို လိုက်နာရန် အသိပညာပေးဆွေးနွေးပြောကြားခဲ့ကြောင်းသိရသည်။
DOCA(မကွေး)