ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည် ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့် အညီ စားအုန်းဆီအမျိုးမျိုးတို့အား ကွင်းဆင်းစစ်ဆေးခြင်းများကို အောက်တိုဘာလ(၄)ရက်နေ့၊ နံနက်(၀၉:၃၀)နာရီ အချိန်တွင် ပူးပေါင်းအဖွဲ့ဖြင့် ကွင်းဆင်းစိစစ်ခဲ့ကြောင်း သိရှိရသည်။
ထိုသို့ ကွင်းဆင်းစိစစ်ခြင်းများ ဆောင်ရွက်ရာတွင် ကွမ်းခြံကုန်းမြို့နယ်စည်ပင်သာယာ ရေးအဖွဲ့ ဈေးတာဝန်ခံ ကျန်းမာရေးမှူး-၃ ဦးထွန်းထွန်း၊ မြို့နယ်ကျန်းမာရေးဦးစီးဌာနမှ အမျိုးသမီးကျန်းမာရေးဆရာမ ဒေါ်သန်းသန်းစိုး၊ စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ပါဝင်သော ပူးပေါင်းအဖွဲ့သည် ကွမ်းခြံကုန်း မြို့နယ် မြို့မဈေးအတွင်းရောင်းချသော ဦးတင်ဦး ကုန်မျိုးစုံရောင်းဝယ်ရေး၊ ဒေါ်ရီရီသန်း ကုန်စုံ ဆိုင်၊ ဦးစန်းဌေး ကုန်စုံဆိုင်တို့မှ Meizan (ဟင်းသီးဟင်းရွက်ဆီ အဆင့်မြင့်စားအုန်းဆီ)၊ Duck (ဘဲလေးဟင်းသီးဟင်းရွက်ဆီ)(အဆင့်မြင့်စားသန့်စင်ထားသောစားအုန်းဆီ)၊ရွှေပဲဆီသန့်(အာမခံမြေပဲဆီစစ်စစ်)၊ Meizan (မေဇင်ရာနှုန်းပြည့်သဘာဝမြေပဲဆီစစ်စစ်)၊ အမေထွား (သဘာဝ မြေပဲဆီ)၊ HASU (ဟင်းသီးဟင်းရွက်ဆီစားအုန်းဆီ)တို့တွင် ကုန်အညွှန်းအမှတ်အသား ပြည့်စုံစွာ ပါဝင်မှုရှိ/မရှိ စိစစ်ဆောင်ရွက်ခဲ့ကြသည်။
ထို့နောက် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်နွယ်နွယ်အေးက စားသုံးသူ များ နေ့စဉ်စားသုံးနေရသော အခြေခံစားသောက်ကုန်များတွင် ချက်ပြုတ်ကြော်လှော်ရာ၌ မရှိ မဖြစ် နေ့စဉ်သုံးစွဲရသော စားအုန်းဆီများတွင် ကုန်အညွှန်းအမှတ်အသား ပြည့်စုံစွာပါရှိရန် လိုအပ်ကြောင်း စားသုံးသူရေးရာဦးစီးဌာနမှ ထုတ်ပြန်ထားသော ညွှန်ကြားချက်အမှတ် (၁/၂၀၂၁)တွင် ပါရှိသော အချက်အလက်များနှင့် ပြည့်စုံမှသာ ဝယ်ယူတင်သွင်းရောင်းချရမည်ဖြစ်ကြောင်း ရောင်းချသော လုပ်ငန်းရှင်များသို့ တွေ့ဆုံဆွေးနွေး ကွင်းဆင်းစိစစ်ခဲ့ကြောင်း သိရှိရပါသည်။
DOCA(ရန်ကုန်)