၂၀၂၅ ခုနှစ်၊ စက်တင်ဘာလ (၂၉)ရက်နေ့ နံနက်(၁၁း၀၀)နာရီတွင် ၊ မြိတ်မြို့၊ အမှတ်(၁၀၅)၊ (၃)လမ်း၊ နောက်လယ်ရပ်ကွက်နေ ရွှေညီကိုပဲကြော်နှင့် အသင့်စားလက်ဖက် ဖြန့်ဖြူးရောင်းချသူ လုပ်ငန်းရှင် ဦးကျော်သက်တင်မှ ၎င်း၏ပဲကြော်နှင့်လက်ဖက်များ၌ ကုန် အညွှန်းအမှတ်အသားဆိုင်ရာ သတ်မှတ်ချက်များ ပြည့်စုံမှန်ကန်စွာထည့်သွင်းဖော်ပြနိုင်ရေး အတွက် မြိတ်ခရိုင်စားသုံးသူရေးရာဦးစီးဌာနရုံးသို့ လာရောက်ဆွေးနွေးခဲ့ပါသည်။
ရွှေညီကို ပဲကြော်နှင့်လက်ဖက်လုပ်ငန်းရှင်အနေဖြင့် ပဲကြော်များအား ရန်ကုန်မြို့မှ လည်းကောင်း၊ လက်ဖက်များအား ရှမ်းပြည်နယ်၊ ပင်လောင်းမြို့မှလည်းကောင်းမှာယူပြီး ပဲကြော်အား (၁၀)ကျပ်သား၊ (၂၅)ကျပ်သား၊ (၁)ပိဿာထုတ်များနှင့် အသင့်စားလက်ဖက် အား(၂၅)ကျပ်သားထုတ်များ ထုတ်ပြီး မြိတ်မြို့ရှိ ကုန်တိုက်များနှင့် ရပ်ကွပ်များရှိ အိမ်ဆိုင် များသို့ ဖြန့်ဖြူးရောင်းချကြောင်း သိရပါသည်။
စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးမှ စားသုံးသူကာကွယ်ရေးဥပဒေ-၂၀၁၉ အခန်း(၁၈)တွင်ဖော်ပြထားသည့် ကန်စည်များ၌ ထည့်သွင်းဖော်ပြရမည့် တံဆိပ်အမှတ်အ သား၊ အမျိုးအမည်၊ အရွယ်အစား၊ အရေအတွက်နှင့်၊ အသားတင်ပမာဏ၊ ထားသိုသိမ်းဆည်း ပုံ၊ သုံးစွဲပုံနည်းလမ်း၊ ထုတ်လုပ်သည့်ရက်စွဲ၊ သက်တမ်းကုန်ဆုံးမည့်ရက်စွဲနှင့် ထုတ်လုပ်မှုအ မှတ်စဥ်၊ ထုတ်လုပ်သူ၏လိပ်စာ၊ ကုန်စည်တွင်ပါဝင်သော ကုန်ကြမ်းပစ္စည်းအမျိုးအမည်နှင့် ပမာဏ၊ ပါဝင်မှုအချိုးအစား၊ ကျန်းမာဆိုင်ရာဘေးထွက်ဆိုးကျိုး(သို့မဟုတ်) ဓါတ်မတည့် ကြောင်းဖော်ပြချက်၊ သက်ဆိုင်ရာဌာနများ၏ ထောက်ခံချက်များပြည့်စုံမှန်ကန်စွာ ထည့်သွင်း ဖော်ပြပြီး စျေးကွက်အတွင်းဖြန့်ဖြူးရောင်းချရန် အသိပညာပေးဆွေးနွေးခဲ့ကြောင်းသိရပါ သည်။
DOCA(တနင်္သာရီ)