(၁၉.၉.၂၀၂၅) ရက်နေ့ နေ့လည် (၁:၀၀) နာရီအချိန်မှစ၍ စားသုံးသူရေးရာဦးစီးဌာန၊ တိုက်ကြီးခရိုင်၊ တိုက်ကြီးမြို့နယ်၊ ဥက္ကံမြို့ အထွေထွေအုပ်ချုပ်ရေးဦးစီးဌာနရုံးတွင် သီးနှံများ၏ ပန်းတိုင် အထွက်နှုန်းများရရှိရေး အသိပညာပေးဆွေးနွေးပွဲအခမ်းအနားကို ကျင်းပခဲ့ပါသည်။
အခမ်းအနားသို့ ခရိုင်စိုက်ပျိုးရေးကြီးကြပ်မှုအဖွဲ့ ဥက္ကဌနှင့်အဖွဲ့ဝင်များ၊ ဌာနဆိုင်ရာများ၊ ဥက္ကံမြို့နယ်အုပ်ချုပ်ရေးမှူးနှင့်ဝန်ထမ်းများ၊ ရပ်ကွက်ကျေးရွာအုပ်ချုပ်ရေးမှူးနှင့် တောင်သူများ တက်ရောက်ခဲ့ပြီး ခရိုင်စိုက်ပျိုးရေးကြီးကြပ်မှုအဖွဲ့ဥက္ကဌ ဦးသူအောင်မှ အဖွင့်အမှာစကား ပြောကြားခြင်း၊ မြို့နယ်စိုက်ပျိုးရေးကြီးကြပ်မှုအဖွဲ့ ဦးခင်မောင်စိုးမှ သီးနှံများ၏ ပန်းတိုင်အထွက် နှုန်းရရှိစေ ရေးအတွက် သွင်းအားစုများဖြန့်ဖြူးထားမှုအခြေအနေအား တောင်သူများသို့ ဆွေးနွေး ပြောကြားခြင်း၊ မြို့နယ်စိုက်ပျိုးရေးဦးစီးဌာနမှ ဒုတိယဦးစီးမှူး ဦးအုန်းကျော်နှင့် ဒေါ်သင်းသင်းစိုး တို့မှ သီးနှံများ ပန်းတိုင်အထွက်နှုန်းများ ရရှိစေရေး နည်းလမ်းများ ရှင်းလင်းတင်ပြခြင်း တက်ရောက်လာသော သီးနှံများ၏ ပန်းတိုင်အထွက်နှုန်းများရရှိရေး ဆောင်ရွက်ရာတွင် ကြုံတွေ့ ရသော အခက်အခဲများ တင်ပြခြင်းနှင့်တက်ရောက်လာသော သက်ဆိုင်ရာ ဌာနဆိုင်ရာများမှ ရှင်းလင်းခြင်းများ ဆောင်ရွက်ခဲ့ပြီး အခမ်းအနားသို့ (၁၅:၃၀) နာရီအချိန်တွင် ရုပ်သိမ်းခဲ့ကြောင်း သိရှိရပါသည်။
DOCA (ရန်ကုန်)