ထိုင်းနိုင်ငံမှ ဘဏ္ဍာရေးဝန်ကြီးဌာနသည် ကမ္ဘောဒီးယားနိုင်ငံသို့ ရွှေတင်ပို့မှုမြင့်တက်နေ ခြင်းအပေါ် အသေးစိတ်လေ့လာစစ်ဆေးမှုများပြုလုပ်လျက်ရှိကြောင်းနှင့် ၎င်းဌာနမှ အရာရှိများ က ကမ္ဘောဒီးယားနိုင်ငံ၏ ငွေကြေးများသည် ယခုအခါတွင် ယုံကြည်မှုနည်းပါးလာခြင်းကြောင့် ကမ္ဘောဒီးယားပြည်သူများသည် ထိုင်းနိုင်ငံမှ ရွှေများကို လက်ဆုပ်လက်ကိုင်ပြုနိုင်ရန်အတွက် ယခင်ထက်ပိုမို ဝယ်ယူလျက်ရှိကြောင်း သိရပါသည်။ အဆိုပါကိစ္စသည် ထိုင်းနိုင်ငံ၏ ငွေကြေး ဘတ် ခိုင်မာလာမှုအတွက် အထောက်အကူပြုလျက်ရှိပါသည်။ ဘဏ္ဍာရေးမူဝါဒဦးစီးဌာနမှ ညွှန်ကြားရေးမှူးဆိုသူ Pornchai Thirraveja က အာဏာပိုင်များသည် ကမ္ဘောဒီးယားနိုင်ငံသို့ ရွှေတင်ပို့မှု သိသိသာသာမြင့်တက်နေမှု အစီရင်ခံစာအပေါ် လေ့လာမှုများပြုလုပ်လျက်ရှိကြောင်း Post Today သို့ ပြောကြားခဲ့ပါသည်။ အဆိုပါမြင့်တက်မှုသည် ပုံမှန်မဟုတ်သော ဘတ် လဲလှယ်မှု နှုန်းမြင့်တက်မှုများကြောင့် ဖြစ်ကြောင်း သိရပါသည်။ ၎င်းက ကမ္ဘောဒီးယားနိုင်ငံ၏ ထိုင်းနိုင်ငံမှ ရွှေတင်သွင်းတိုးမြှင့်ခြင်းသည် ပြည်တွင်း Riel တည်ငြိမ်မှုများနှင့် ပတ်သက်နေနိုင်ပြီး ကမ္ဘောဒီးယားပြည်သူများကို ရွှေများပိုမိုရရှိစေရန် နှင့် နိုင်ငံခြားငွေကြေးများ ပိုမို စုဆောင်းနိုင်စေ ရန်ဖြစ်ကြောင်း ထပ်ပေါင်းပြောကြားခဲ့ပါသည်။ နှစ်နိုင်ငံကြား နယ်နိမိတ်နီးစပ်မှုများကြောင့် ထိုင်းနိုင်ငံသည် အဆိုပါ ဝယ်ယူမှုများအတွက် အရင်းအမြစ်တစ်ခုဖြစ်လာကြောင်း သိရပါသည်။ ထိုင်းနိုင်ငံသည် ယခုနှစ် ပထမ ၇ လအတွင်းတွင် ကမ္ဘောဒီးယားနိုင်ငံသို့ ဘတ် ၇၁.၃၁၂ ဘီလီယံ တန်ကြေးရှိသော ရွှေများကို တင်ပို့ခဲ့ကြောင်း သိရပါသည်။ ကမ္ဘောဒီးယားနိုင်ငံတွင် ဖြစ်ပေါ်နေ သော အခြေအနေများအရ ထိုင်းနိုင်ငံသည် ယခုနှစ်တွင် ဘတ် ၁၆၀ ဘီလီယံခန့်တန် ကြေးရှိ သော ရွှေများကို တင်သွင်းနိုင်လိမ့်မည်ဖြစ်ပြီး ယခင်နှစ်ထက် ပိုမိုတင်သွင်းမှုများနိုင် ကြောင်း သိရပါသည်။
DOCA (ရန်ကုန်)