ဘင်္ဂလားဒေရှ့်နိုင်ငံ၏ ကုန်သွယ်မှုလိုငွေသည် လက်ရှိ ၂၀၂၅-၂၆ ဘဏ္ဍာရေးနှစ်၏ ပထမလ ဖြစ်သည့် ဇူလိုင်လတွင် ယခင်နှစ်နှင့်နှိုင်းယှဉ်ပါက ၃.၄၂ ရာခိုင်နှုန်းမြင့်တက်လာပြီး အမေရိကန်ဒေါ်လာ ၁.၅၁ ဘီလီယံ အထိရောက်ရှိခဲ့ကြောင်း ဗဟိုဘဏ်၏ နောက်ဆုံးထုတ်ပြန် ချက်များအရသိရှိ ရပါသည်။
ဘင်္ဂလားဒေရှ့်ဘဏ်၏ အချက်အလက်များအရ ဇူလိုင်လတွင် နိုင်ငံ၏ သွင်းကုန်ပေးချေမှု သည် အမေရိကန်ဒေါ်လာ ၅.၉၂၉ ဘီလီယံရှိပြီး ၁၉ ရာခိုင်နှုန်းတိုးလာခဲ့ပါသည်။ ထိုကာလ အတွင်း ပို့ကုန်မှ ရသော ဝင်ငွေသည် အမေရိကန်ဒေါ်လာ ၄.၄၂၅ ဘီလီယံရှိပြီး ၂၇.၁ ရာခိုင်နှုန်းတိုးလာခဲ့ပါ သည်။
ပြည်ပမှ ငွေလွဲဝင်ရောက်မှုကို တိုးလာခြင်းက နိုင်ငံ၏ ကျယ်ပြန့်လာသော ကုန်သွယ်မှု လိုငွေ ၏သက်ရောက်မှုကို အမြဲထိန်းညှိပေးခဲ့ပါသည်။ နိုင်ငံအတွင်းသို့ ပြင်ပမှ ငွေလွှဲဝင်မှုသည် ၂၀၂၄-၂၅ ဘဏ္ဍာရေးနှစ်တွင် အမေရိကန်ဒေါ်လာ ဘီလီယံ ၃၀ ကျော်ဖြင့် စံချိန်တင် မြင့်တက်ခဲ့ပြီး နိုင်ငံ၏နိုင်ငံခြားငွေ အရင်းအမြစ်များအတွက် အသက်ရှူချောင်စေခဲ့ ကြောင်းသိ ရှိရပါသည်။
DOCA(ရန်ကုန်)