ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ စက်တင်ဘာလ (၁၇) ရက်နေ့၊ နေ့လည် (၁၂:၀၀)နာရီအချိန်တွင် စည်ပင်သာယာရေးအဖွဲ့ နှင့် ပူးပေါင်း၍ ဗိုလ်ချုပ်လမ်းနှင့် မြို့မဈေးရှိ မုန့်မျိုးစုံအရောင်းဆိုင်များတွင် ရောင်းချနေသည့် ပြုပြင်ထုပ်ပိုးထားသော စားသောက်ကုန်အမျိုးမျိုးအား ဈေးကွက်စောင့်ကြည့်စစ်ဆေးခြင်းကို ဆောင် ရွက်ခဲ့ကြပါသည်။
ထိုသို့ ကွင်းဆင်းခဲ့ရာတွင် မုန့်မျိုးစုံ အရောင်းဆိုင်များတွင် ရောင်းချနေသော ရွှေကျီးဘီစကစ်၊ မရွေး၊ Gold နို့ခရင်မ် ၊ ပေါင်မုန့် ရွှေနဒီ ပူတင်းပေါင်မုန့် တို့တွင် ကုန်အညွှန်းအမှတ်အသားများကို မြန်မာဘာသာဖြင့် ဖော်ပြထားရှိပြီး FDA ထောက်ခံချက်အမှတ်များလည်း ပါရှိကြောင်း စစ်ဆေး တွေ့ရှိရပြီး မြို့နယ်တာဝန်ခံမှ ဆိုင်ပိုင်ရှင်များအား ကုန်အညွှန်းအမှတ်အသား မပြည့်စုံသော စားသောက်ကုန်များနှင့် သက်ဆိုင်ရာဌာနများ၏ ထောက်ခံချက်မပါဝင်သော စားသောက်ကုန်များ ရောင်းချခြင်းမပြုရန် မှာကြားခဲ့သည်ဟု သတင်းရရှိပါသည်။
DOCA(ဧရာဝတီ)