စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညွှန်ကြား ရေးမှူးချုပ် ဦးဆောင်၍ ခရိုင်စားသုံးသူရေးရာကော်မတီ၏ လုပ်ပိုင်ခွင့်နှင့် လုပ်ငန်းတာဝန်များကို ဆောင်ရွက်ခြင်းနှင့် စားသုံးသူကာကွယ်ရေးလုပ်ငန်းများ ဆောင်ရွက်ရာတွင် ထိရောက်အောင်မြင် စေရန် ရည်ရွယ်၍ ခရိုင်စားသုံးသူရေးရာကော်မတီများနှင့် ဆွေးနွေးပွဲကို (၁၈.၉.၂၀၂၅) ရက်နေ့၊ နေ့လယ် (၁၃:၀၀)နာရီ အချိန်တွင် Virtual စနစ်ဖြင့် ပခုက္ကူခရိုင် စီမံခန့်ခွဲရေးနှင့် အုပ်ချုပ်ရေး ကော်မတီရုံး၊ အစည်းအဝေးခန်းမ၌ ကျင်းပပြုလုပ်ရာ ခရိုင်စားသုံးသူရေးရာ ကော်မတီ အဖွဲ့ဝင် (၄)ဦးနှင့်စားသုံးသူရေးရာဦးစီးဌာနမှ ဝန်ထမ်း(၆)ဦး၊ စုစုပေါင်း(၁၀)ဦးတက်ရောက်ခဲ့ကြောင်း သိရသည်။
ညွှန်ကြားရေးမှူးချုပ်က ဆွေးနွေးရာတွင် စားသုံးသူ၏အသံများကို နားထောင်ဖို့ လိုအပ်နေပြီ ဖြစ်ကြောင်း၊ စားသုံးသူ၏အခွင့်အရေးများကို အသိပညာပေးရန်နှင့် ကာကွယ်ရေးလုပ်ငန်းများ ထိရောက်စွာ လုပ်ဆောင်ရန် လိုအပ်ကြောင်း၊ ခရိုင်များမှ အခြေခံ၍ ခရိုင်ကော်မတီ၊ တိုင်းကော်မတီ အဆင့်ဆင့်လုပ်ဆောင်ရမည်ဖြစ်ကြောင်း၊ “ပြည်သူတိုင်းဟာ စားသုံးသူဖြစ်တယ် စားသုံးသူတိုင်းမှာ စားသုံးသူအခွင့်အရေးရှိတယ်” ဆိုတဲ့ အတိုင်း လုပ်ဆောင်ပေးမှုများမှာ ဌာန၏ တာဝန်များဖြစ်ပြီး ပရဟိတလုပ်ငန်းလည်းဖြစ်၍ စေတနာထား၍ ဆောင်ရွက်စေလိုကြောင်းပြောကြားခဲ့ပြီး စားသုံးသူ ရေးရာဌာနခွဲမှ ညွှန်ကြားရေးမှူးက စားသုံးသူရေးရာလှုပ်ရှားမှုများ ဖြစ်ပေါ်လာပုံ၊ အာဆီယံစားသုံးသူကာကွယ်ရေးကော်မတီ၊ အမျိုးသားစားသုံးသူကာကွယ်ရေးအစီအစဉ်များ အကြောင်းအား ကျယ်ကျယ် ပြန့်ပြန့်ရှင်းလင်းဆွေးနွေးခြင်းနှင့် ဒုတိယညွှန်ကြားရေးမှူးက ဆွေးနွေးရာတွင် အစည်းအဝေး ကျင်းပရန် ပြင်ဆင်ဆောင်ရွက်ရမည့်အချက်များ၊ စားသုံးသူအငြင်းပွားမှုဖြေရှင်းခြင်းအကြောင်း၊ အစည်း အဝေးမှတ်တမ်း နမူနာပုံစံများနှင့် အမှာစာများ အကြောင်းအား Power Point ဖြင့် အသေးစိတ် အသိပညာပေး ဆွေးနွေးခဲ့ကြောင်း သိရှိရပါသည်။
DOCA(မကွေး)