စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးတွင် ဆန်စပါး သိုလှောင်ရုံများကို MyRO Website တွင် မှတ်ပုံတင် ဆောင်ရွက်လျက်ရှိရာ (၁၉.၉.၂၀၂၅)ရက်နေ့တွင် ပခုက္ကူမြို့၊ အမှတ်(၉) ရပ်ကွက်၊ ဆုတောင်းပြည့်လမ်းရှိ ဦးဟံသာတိုး (အောင်ချမ်းငြိမ်း)ဆန်ပွဲရုံ၏ သိုလှောင်ရုံအား မှတ်ပုံတင်လာရောက်လျှောက်ထားကြောင်း သိရသည်။
အဆိုပါ ဆန်သိုလှောင်ရုံသည် ဝင်ဆံ့နိုင်သည့်ပမာဏ အိတ်ရေ(၁၅၀၀)ခန့်ရှိပြီး သိုလှောင်ရုံ အမျိုးအစား အလတ်စားတွင် ပါဝင်ပြီး သိုလှောင်ရုံအဆောက်အဦးမှာ ၂၀၁၁ခုနှစ်က စတင် တည်ထောင်ခဲ့ပြီး အလျား(၉၁)ပေ၊ အနံ(၃၄)ပေ၊ အမြင့်(၃၀)ပေရှိပြီး အမိုး(သွပ်)၊ အကာ (အုတ်)၊ အခင်း(ကွန်ကရစ်) ဖြင့် ဆောက်လုပ်ထားကြောင်း၊ သိုလှောင်ထားသော ဆန်အမျိုးအစားမှာ မျိုးစုံ ဖြစ်ပြီး (၁၇.၉.၂၀၂၅)ရက်နေ့ထိ သိုလှောင်ထားရှိမှုအခြေအနေမှာ အိတ်ရေ (၆၅၀)ခန့်ရှိကြောင်း သိရှိ ရသည်။
စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံးအနေဖြင့် မှတ်ပုံတင်ရန်လာရောက်လျှောက် ထားသည့် နည်းပညာအခက်အခဲရှိသော ဆန်လုပ်ငန်းရှင်များအား MyRO Website အသုံးပြုနည်း၊ ဆန်လက်ကျန်များကို လစဉ် ကုန်ရ၊ ကုန်ထုတ်၊ ကုန်လက်ကျန် အခြေအနေများအား ထည့်သွင်းပေး ရန် ကူညီဆောင်ရွက်ပေးလျက်ရှိကြောင်းနှင့် စုစုပေါင်း ပခုက္ကူခရိုင်၌ MyRO တွင် မှတ်ပုံတင်ပြီး စီးသော ဆန်သိုလှောင်ရုံ(၄၇)လုံးရှိကြောင်း သိရှိရပါသည်။
DOCA(မကွေး)