မြိတ်မြို့သို့ဆန်သယ်ယူ၍ ရောက်ရှိလာသော ဆန်လှေအားကွင်းဆင်းစစ်ဆေး

     တနင်္သာရီတိုင်းဒေသကြီး၊ မြိတ်ခရိုင်သည် ဆန်စပါးစိုက်ပျိုးသော်လည်း ဆန်စပါးထွက်ရှိမှု မလုံလောက်ခြင်းတို့ကြောင့် မြိတ်ခရိုင်ဆန်ကုန်သည်များအသင်းမှ မြိတ်ခရိုင်အတွက်လိုအပ် သောဆန်များကို အခြားတိုင်းနှင့်ပြည်နယ်များမှ သယ်ယူလျက်ရှိပြီး ၂၀၂၅ခုနှစ်၊ စက်တင်ဘာ လ(၁၄)ရက်နေ့တွင် ကျိုက်လတ်မြို့နယ်မှ အမ်ဗွီ‌‌အောင်တက်တိုးရေယာဉ်ဖြင့် သယ်ယူလာသော ဆန်အိတ် ၉၀၀၀ (၄၅၀တန်)နှင့် စက်တင်ဘာလ(၁၆)ရက်နေ့တွင် ဖျာပုံမြို့နယ်မှ အမ်ဗွီ‌‌အောင် ရတနာသန်းရေယာဉ်ဖြင့် သယ်ယူလာသော ဆန်အိတ် ၂၀၀၀ (၁၀၀တန်)တို့သည် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။

    ထိုသို့ရောက်ရှိလာသောဆန်အိတ်များကို စားသုံးသူရေးရာဦးစီးဌာနအပါအဝင် မြိတ်ခရိုင် ကုန်သွယ်ရေးဦးစီးဌာန၊ အကောက်ခွန်ဦးစီးဌာန၊ မြို့နယ်ရဲတပ်ဖွဲ့ စသော ဌာနဆိုင်ရာပူးပေါင်း အဖွဲ့များဖြင့် ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(တနင်္သာရီ)