ပလတ်စတစ်အိတ် အသုံးပြုမှုလျော့ချစေရေး စက္ကူအိတ်များ အခမဲ့ ဖြန့်ဝေ

    စစ်ကိုင်းတိုင်းဒေသကြီး၊ ကန့်ဘလူမြို့၌ သဘာဝပတ်ဝန်းကျင်ထိန်းသိမ်းရေးနှင့် ပြည်သူများ ပလတ်စတစ်အိတ်(ကြွပ်ကြွပ်အိတ်)လျော့နည်းသုံးစွဲစေရန် ရည်ရွယ်၍ စည်ပင်သာယာမြို့မဈေး အတွင်း ဈေးရောင်းဈေးဝယ်ပြည်သူများအား ပလတ်စတစ်အိတ်များအစား အင်ဖက်၊ ငှက်ပျောဖက်၊ စက္ကူအိတ်များ အသုံးပြုနိုင်ရေး အသိပညာပေးခြင်း၊ စက္ကူအိတ်များ အခမဲ့ဖြန့်ဝေခြင်းများကို စက်တင်ဘာလ ၁၂ ရက်က မြို့မဈေးအတွင်း ဆောင်ရွက်ခဲ့ကြောင်း သိရသည်။

          အဆိုပါလုပ်ငန်းများဆောင်ရွက်ရာတွင် ကန့်ဘလူခရိုင်ပတ်ဝန်းကျင်ထိန်းသိမ်းရေးဦးစီးဌာန တာဝန်ခံများနှင့် ဝန်ထမ်းများ၊ မြို့မဈေးတာဝန်ရှိသူများက ဈေးရောင်းဈေးဝယ်ပြည်သူများအား ဈေးဝယ်ယူရာတွင် လက်ဆွဲခြင်းများ၊ ထည့်စရာယူဆောင်လာရန် အသိပညာပေးခြင်း၊ လက်ကမ်း စာစောင်များဖြန့်ဝေခြင်း၊ စက္ကူအိတ်များအခမဲ့ဖြန့်ဝေပေးကာ ပလတ်စတစ်အိတ်အသုံးပြုမှုလျော့ချ ရေး အသိပညာပေးဆွေးနွေးပြောကြားခဲ့ကြောင်း သိရသည်။

DOCA(စစ်ကိုင်း)