စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ လမ်းညွှန်မှု၊ ပဲခူးတိုင်းဒေသကြီးဦးစီးမှူးရုံး၏ စီစဉ်ကြီးကြပ်မှုတို့ဖြင့် ပဲခူးတိုင်းဒေသကြီးအတွင်းရှိ ခရိုင်များ၊ မြို့နယ်များတွင် ဝန်ထမ်းများ လက်ရည်တစ်ပြင်တည်း မိသားစုမိတ်ဆုံစားပွဲများကို ကျင်းပရန် ညွန်ကြားထားရာ ၅.၉.၂၀၂၅ ရက်နေ့တွင် ညောင်လေးပင်ခရိုင်ဦးစီးမှူးရုံးတွင် ခရိုင်ဦးစီးမှူးနှင့် ဝန်ထမ်းများမှ မိသားစုမိတ်ဆုံစားပွဲ ကျင်းပခဲ့ကြောင်း သတင်းရရှိပါသည်။
စားသုံးသူရေးရာဦးစီးဌာနအတွင်း ဝန်ထမ်းများ စည်းလုံးညီညွတ်မှုရှိစေပြီး လက်ရည်တစ်ပြင်တည်း အတူတကွ လုပ်ကိုင်ဆောင်ရွက်ကြရန် ရည်ရွယ်ချက်ဖြင့် ဌာနအတွင်း မိသားစုမိတ်ဆုံ စားပွဲများကို ကျင်းပလျက်ရှိရာ ပဲခူးတိုင်းဒေသကြီးအတွင်းရှိ ခရိုင်များ၊ မြို့နယ်များတွင် မိတ်ဆုံ စားပွဲများ ကျင်းပလျက်ရှိပြီး ညောင်လေးပင်ခရိုင်အတွင်းရှိ ညောင်လေးပင်ခရိုင်ဦးစီးမှူးရုံးတွင် အခါအားလျော်စွာ အဆိုပါ အလေ့အကျင့်ကောင်းများကို ကျင့်သုံးလျက်ရှိကြောင်း သတင်းရရှိပါသည်။
DOCA(ပဲခူး)