မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့၊ ပတ္တမြားဈေး၌ စက်တင်ဘာလ(ဒုတိယပတ်)တွင် ခရမ်းချဉ်သီးဈေးကျပြီး အာလူးဈေးမြင့်တက်၍ အရောင်းအဝယ်ဖြစ်လျက်ရှိကြောင်း သိရှိရသည်။ ဆိပ်ဖြူမြို့နယ်ရှိ တောင်သူများသည် ခရမ်းချဉ်သီး စိုက်ပျိုးမှုများရှိသော်လည်း စိုက်ပျိုးစရိတ်မြင့်မားသည့် အာလူးသီးနှံစိုက်ပျိုးမှု မရှိခြင်းကြောင့် စလင်း(ဆင်ဖြူကျွန်း)နှင့် ရှမ်းပြည်နယ်(အောင်ပန်း)မြို့တို့မှ ဝယ်ယူရကြောင်း၊ လက်ရှိအချိန်တွင် ခရမ်းချဉ်သီးများ ဒေသတွင်းထွက်ရှိမှု နည်းသေး၍ ကျောက်ပန်းတောင်း၊ ပုပ္ပါးဒေသထွက်ခရမ်းချဉ်သီးများ လှိုင်လှိုင်ဝင်ရောက်အရောင်းအဝယ်ဖြစ်လျက်ရှိကြောင်း သိရှိရသည်။
ဈေးနှုန်းအနေဖြင့် ၂၀၂၅ခုနှစ်၊ စက်တင်ဘာလ(ဒုတိယပတ်)တွင် ခရမ်းချဉ်သီး တစ်ပိဿာ ကျပ် (၂၅၀၀-၂၀၀၀)၊ အာလူးတစ်ပိဿာလျှင် ကျပ်(၇၀၀၀-၄၀၀၀)ဈေးဖြင့် အရောင်းအဝယ်ဖြစ်ကြောင်း၊ ယခင် ဩဂုတ်လ(ဒုတိယပတ်)နှင့် ဈေးနှုန်းနှိုင်းယှဉ်ပါက ခရမ်းချဉ်သီး တစ်ပိဿာလျှင် ကျပ်(၅၀၀) ဈေးကျပြီး အာလူးတစ်ပိဿာလျှင် ကျပ်(၁၅၀၀)ခန့် ဈေးတက်ကြောင်း ကုန်စိမ်းသီးနှံ ဈေးကွက်မှ သိရှိရပါသည်။
DOCA(မကွေး)