ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် စားသုံးသူရေးရာဦးစီးဌာန စစ်ဆေးရေးမှူး ဒေါ်ခိုင်ခိုင်လင်း နှင့် ဝန်ထမ်းများသည် ၁၀.၉.၂၀၂၅ နံနက်ပိုင်းတွင် မအူပင်မြို့ပေါ်ရှိ အခြားပြုပြင်ထုတ်ပိုး ပစ္စည်းများ ရောင်းချနေသော ကုန်စုံဆိုင်(၈)ဆိုင် သို့သွားရောက်၍ ကုန်စည်များပေါ်တွင် စားသုံးသူ ကာကွယ်ရေး ဥပဒေအခန်း ၁၈ ပါ ပြဌာန်းချက်များအရ ကုန်အညွှန်းအမှတ်အသားများ ပြည့်စုံစွာဖော်ပြခြင်း ရှိ/မရှိ ကို မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်အတူ ကွင်းဆင်းစစ်ဆေးခဲ့ကြောင်း သိရသည်။
ကွင်းဆင်းစစ်ဆေးရာတွင် မအူပင်မြို့နယ်အတွင်း အခြားပြုပြင်ထုတ်ပိုး ဖြန့်ဖြူးရောင်းချသူလုပ်ငန်းများ ရှိပါက ကွင်းဆင်းစစ်ဆေးဆောင်ရွက်ပြီး ကုန်မျိုးစုံဆိုင်များတွင် အခြားပြုပြင်ထုတ်ပိုး ကုန်စည်များရောင်းချသူ များ ကုန်အညွှန်းအညွှန်း အသား ဖော်ပြပါဝင်ခြင်း ရှိမရှိစစ်ဆေးဆောင်ရွက်ရာ အခြားပြုပြင်ထုတ်ပိုး စားသောက်ကုန်များတွင် အမျိုးအမည်၊ အရွယ်အစား/အသားတင်ပမာဏ၊ သုံးစွဲပုံ၊ ထားသိုပုံအညွှန်း၊ ဓါတ်မတည့်ကြောင်းဖော်ပြချက်၊ ဘေးထွက်ဆိုး ကျိုး၊ ကြိုတင်သိပေးချက်များ ဖော်ပြရာတွင် မြန်မာဘာသာဖြင့် ဖော်ပြပါဝင်ခြင်း ရရှိမရှိစစ်ဆေးခြင်း၊ အခြားသော သက်ဆိုင်ရာဌာနများ၏ ခွင့်ပြချက်၊ ထောက်ခံချက်ပါဝင်မှု ရှိမရှိစစ်ဆေးခြင်း၊ ကုန်စည်အုပ်စုအလိုက် ကုန်အညွှန်းအမှတ် အသားအသေးစိတ် ဖော်ပြချက်များနှင့် ကိုက်ညီမှု ရှိမရှိကိုစစ်ဆေးဆောင်ရွက်ခဲ့ပြီး ဈေးကွက်အတွင်း ရောင်းချနေသော အခြားပြုပြင်ထုတ်ပိုး စားသောက်ကုန်များတွင် ကုန်အညွှန်းအမှတ်အသား ပြည်စုံစွာ ဖော်ပြထားသောကုန်စည်ကိုသာ စစ်ဆေးတွေ့ရှိခဲ့ကြောင်း သိရပါသည်။
DOCA(ဧရာဝတီ)