ကြက်သွန်နီသည် နေ့စဥ်စားသုံးနေသော အစားအစာတို့တွင် မပါမဖြစ် အလွန်အရေးပါသော စားဖိုဆောင်သီးနှံတစ်မျိုးဖြစ်သည်။ ကြက်သွန်နီသည် ရေအလွန်လိုအပ်သော သီးနှံဖြစ်သည့်အပြင် မြေအစိုဓာတ်ရှိသော မြေတွင်သာ စိုက်ပျိုးနိုင်ပါသည်။ အလွန်ချဥ်သောမြေကို မနှစ်သက်သောကြောင့် အောက်မြန်မာပြည်တွင်စိုက်ပျိုးမှုနည်းပါးပြီး အပူအအေးသင့်တင့်သော ရာသီဥတုကို ကြိုက်နှစ်သက်ပါသည်။ မြေပြန့်ဒေသတွင် ကြက်သွန်နီကို အောက်တိုဘာလနှင့် နိုဝင်ဘာလအထိ စိုက်ပျိုးပြီး တောင်ပေါ်ဒေသတွင် မတ်လနှင့် ဇွန်လအထိသာစိုက်ပျိုးကြောင်းသိရှိရပါသည်။ ယခု ထားဝယ်စျေးကွက်တွင် ကြက်သွန်နီစျေးနှုန်းမှာ တစ်ပိဿာလျှင် (၂၅၀၀)ကျပ်မှ ယခုပတ်(၃၅၀၀) ကျပ်သို့ စျေးနှုန်းအနည်းငယ်တက်လာကြောင်း သိရှိရပါသည်။
DOCA(တနင်္သာရီ)