စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးအနေဖြင့် ဝန်ထမ်းများ စွမ်းဆောင်ရည်မြင့်မာ စေရန် ရည်ရွယ်၍ “အရာထမ်းငယ်ဝန်ထမ်းများနှင့် အခြေခံစာရေးဝန်ထမ်းများ” အခြေခံရုံးလုပ်ငန်းကျွမ်းကျင်ပိုင် နိုင်စွာ လုပ်ကိုင်နိုင်ရေး၊ ဝန်ထမ်းတစ်ဦးချင်းလိုက်နာစောင့်ထိန်းရမည့် ကျင့်ဝတ်များ လိုက်နာဆောင်ရွက်နိုင်ရေး ရုံးလုပ်ငန်း ကျမ်းကျင်မှုကို ဆောင်ရွက်နိုင်ရန် မအူပင်ခရိုင်ဦးစီးမှူးနှင့် တာဝန်ရှိသူများက ကြပ်မတ်ဆောင်ရွက်ခြင်း လုပ်ငန်းများကို ၂၈-၈-၂၀၂၅ ရက်နေ့ က ဆောင်ရွက်ခဲ့ကြောင်း သိရသည်။
ရုံးလုပ်ငန်းကြပ်မတ်ဆောင်ရွက်ရာတွင် မအူပင်ခရိုင်ဦးစီးမှူးရုံးမှ ရာထူးအဆင့်အလိုက် သတ်မှတ်ချက် များနှင့်အညီ လုပ်ငန်းများ ကျွမ်းကျင်ပိုင်နိုင်စွာလုပ်ကိုင်နိုင်ရေး၊ ဥပဒေများအရ ရာထူးဖြင့်အညီ သင့်လျှော်သော လုပ်ငန်းတာဝန်များကို ကြည်ဖြူစွာထမ်းဆောင်နိုင်ရေးကို ကြပ်မတ်ဆောင်ရွက်လျက်ရှိပြီး၊ ဌာနတွင် ရုံးဝန်း သန့်ရှင်းရေး၊ ဌာနနပြင် ရုံးပတ်ဝန်းကျင်သာယာသန့်ရှင်းရေး၊ ဌာနခွဲအလိုက် ဝင်စာထွက်စာများ စနစ်တကျ ဖိုင်တွဲ ထားနိုင်ရေး၊ ရုံးဘီရိုနှင့် စာပွဲများ စနစ်တကျထားရှိရေး၊ ရုံးစာကြည်တိုက်အတွင်း စာအုပ်များ စနစ်တကျ ရေးသွင်းပြီး ဌားရမ်းနိုင်ရေး၊ ကွန်ပြူတာကျွမ်းကျင်ပိုင်နိုင်စွာ စာစီစာရိုက်နိုင်ရေး၊ ဝန်ထမ်းကျင့်ဝတ် အပါး ၃၀၊ နှင့်အညီ လိုက်နာကျင်ကြံ ဆောင်ရွက်နိုင်ရေး၊ ဘာသာတရားပွားများနိုင်စေရန်၊ ဆီမီး၊ရေကြမ်း၊ ပန်းများကပ်လှူ၍ ပရိတ်တရားများ ရွတ်ဖတ်ပူဇော်နိုင်ရေး၊ ဝန်ထမ်းများ ဌာနတွင်း ဆန်းစစ်ချက် မေးခွန်းများ ဖြေဆိုနိုင်ရန်အတွက် မအူပင်ခရိုင်ဦးစီးမှူးနှင့် တာဝန်ရှိသူများက အပါတ်စဉ် လုပ်ငန်းတစ်ရပ်အနေဖြင့် ဝန်ထမ်းများအား အရည်အသွေးမြင့်မားလာစေရန်အတွက် ကြပ်မတ်ဆောင်ရွက်ခဲ့ကြသည်။
ဒု-လက်ထောက်ကြီးကြပ်ရေးမှူး(၁)ဦး၊ အငယ်တန်းစာရေး (၄) ဦး၊ အကြီးတန်းစာရေး (၄) ဦး၊ ဒုတိယဦးစီးမှူး (၅) ဦး နဲ့ ရုံးအကူ (၁) ဦး၊ စုစုပေါင်းသင်တန်းသူ (၁၅) ဦး အား၊ ရုံးလုပ် ငန်းသဘောသဘာဝနဲ့ ရုံးလုပ်ငန်းတာဝန်တွေကို ကောင်းစွာသိရှိနားလည်ပြီး မှန်ကန်မြန်ဆန်စွာနဲ့ ထိရောက်စွာ ဆောင်ရွက်နိုင်ကြစေဖို့ နှင့် စနစ်တကျဖြစ်စေဖို့ကိုလည်းကောင်း၊ ရုံးလုပ်ငန်းသည် ရုံး/လုပ်ငန်း/ဌာနအဖွဲ့အစည်းရဲ့ နေ့စဉ်လုပ်ငန်းများကို စနစ်တကျပြီးမြောက်စေရန် စီမံခန့်ခွဲခြင်းဖြစ်ပြီး သက်ဆိုင်ရာဝန်ထမ်းအဖွဲ့အစည်း၏ ပင်မလုပ်ငန်းများကို အထောက်အကူပြုသော လုပ်ငန်းများဆောင်ရွက်နိုင်ရန်ဆောင်ရွက်ခဲ့ကြောင်း သိရသည်။
DOCA(ဧရာဝတီ)