ယခုစက်တင်ဘာလ (ပထမပတ်)တွင် ဈေးများထဲ၌ ရုံးပတီသီးနှင့် ဝါးနွယ်မျှစ်များ အရောင်းသွက်လျက်ရှိကြောင်းသိရသည်။ ရုံးပတီသီးနှင့် ဝါးနွယ်မျှစ်များသည် မြန်မာနိုင်ငံ၏ အပူပိုင်း ရာသီဥတုတွင် ကောင်းစွာ ဖြစ်ထွန်းပြီး မြစ်ဝကျွန်းပေါ်ဒေသများ၊ ကမ်းရိုးတန်းဒေသများတွင် အဓိက စိုက်ပျိုးလေ့ရှိကြပါသည်။ရုံးပတီသီး နှင့်ဝါးနွယ်မျှစ်များသည် မကွေးတိုင်း၊ ပဲခူးတိုင်း၊ ရန်ကုန်တိုင်းနှင့် ဧရာဝတီတိုင်းတို့မှ အဓိကထွက်ရှိပြီး ထိုဒေသ များသည် ရေရရှိမှုကောင်းမွန်ပြီး မြေဩဇာထက်သန်ကာ ရာသီဥတုအခြေအနေကောင်းမွန်သောကြောင့် သီးနှံများ အောင်မြင်ဖြစ်ထွန်းအောင် စိုက်ပျိုးနိုင်ကြ ပါသည်။
ရုံးပတီသီးများကို တောင်ငူမြို့နယ်အတွင်းရှိ သဲဖြူချောင်း၊ ပွတ်စုရွာရှိ ရုံးပတီသီး စိုက်ပျိုးသူ များထံမှ တစ်ဆင့်ရောင်းချလျက်ရှိပြီး ရုံးပတီသီး ၁၀ ကျပ်သားလျှင် ၅၀၀ ကျပ်၊ ၁ ပိဿာလျှင် ၄၀၀၀ ကျပ်ဖြင့်လည်းကောင်း၊ ဝါးနွယ်မျှစ်များကို တောင်ငူမြို့၊ ရေတာရှည်မြို့နယ်ရှိ ဝါးပင်များအောက်ခြေမှ ဝါးအနုကို ခုတ်ယူရရှိပြီး ရရှိလာသောဝါးအနုများကို ရေနှင့်နနွင်းမှုန့်ထည့်ကာ အချိန် ၃နာရီ ၄နာရီ ခန့် ပြုတ်ပြီး ဝါးနွယ်မျှစ်များကို ၁၀ ကျပ်သားလျှင် ၅၀၀ ကျပ်၊ ၁ ပိဿာလျှင် ၄၀၀၀ ကျပ်ဖြင့် ရောင်းချ လျက်ရှိကြောင်းသိရသည်။
DOCA(ပဲခူး)