မွန်ပြည်နယ်၊ ၂၀၂၅ ခုနှစ် မိုးရာသီ၊ ပေါင်မြို့နယ်၊ အလှပ်ကျေးရွာ၊ ဒီရေတော သစ်ပင်စိုက်ပျိုးပွဲ အခမ်းအနားကို ၆.၉.၂၀၂၅ ရက်နေ့ နံနက်ပိုင်းက ပေါင်မြို့နယ်၊ အလှပ်ကျေးရွာအုပ်စု၊ ဆယ်အိမ်စုရပ်၊ ပင်လယ်ကမ်းခြေတွင် ကျင်းပပြုလုပ်ခဲ့ကြောင်း သိရသည်။
ရှေးဦးစွာ ပြည်နယ်ဝန်ကြီးချုပ်က မွန်ပြည်နယ်အတွင်း ကမ်းရိုးတန်းဒေသများမှာ ဒီရေတောများဟာ ရေရှည်တည်တံ့ဖွံ့ဖြိုးစေရေး၊ ရာသီဥတုပြောင်းလဲမှု လျှော့ချရေးတို့ကို အလေးထားဆောင်ရွက်လျက်ရှိကြောင်း၊ ဒီရေတောများသည် ဂေဟစနစ်ဖြစ်ခြင်း၊ သစ်တောနှင့် ရေထွက်ပစ္စည်းများထုတ်လုပ်ပေးခြင်း၊ ကမ်းရိုးတန်းဒေသများအား ဆိုင်ကလုန်းမုန်တိုင်းနှင့် ဆူနာမီကဲ့သို့သော သဘာဝဘေးအန္တရာယ်များမှ အကာအကွယ်ပေးခြင်းတို့အပြင် ဇီဝမျိုးစုံ မျိုးကွဲများ ကြွယ်ဝသည့် ကမ်းရိုးတန်းရေဝပ်ဒေသများဖြစ်ခြင်းစသည့် အကျိုးကျေးဇူး အမြောက်အများ ပံ့ပိုးပေးနိုင်ကြောင်း၊ ဒီရေတောစိုက်ခင်းများ တိုးချဲ့စိုက်ပျိုးပြီး သဘာဝ ဒီရေတောများ ကာကွယ်ထိန်းသိမ်းရေး၊ လေပြင်းဒဏ်ခံနိုင်သည့် သစ်မျိုးများစိုက်ပျိုးခြင်းနှင့် ဒီရေတောများကို သားစဉ်မြေးဆက် ထိန်းသိမ်းစောင့်ရှောက်နိုင်ရေးလုပ်ငန်းစဉ်များမှာ ပိုမို ပူးပေါင်း ဆောင်ရွက်ကြစေလိုကြောင်း ပြောကြားခဲ့သည်။
ဆက်လက်ပြီး ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူများ၊ ကျောင်းသား၊ ကျောင်းသူများနှင့် ဒေသခံပြည်သူများမှ ဗြူးရွေဝါ၊ သမဲ့၊ မဒမ၊ ဗြူးချေထောက်၊ အိမ်သွယ် အစရှိသည့် ဒီရေတောသစ်ပင်(၆၀၀) ကျော်ကို တပျော်တပါး စုပေါင်းစိုက်ပျိုးခဲ့ ကြကြောင်း သိရှိရပါသည်။
DOCA (မွန်)