မအူပင်ခရိုင်၊ အွန်လိုင်းမှတ်ပုံတင်ပြီးသော အဝတ်အထည်နှင့် ဖက်ရှင်အမျိုးမျိုး ရောင်းချသူလုပ်ငန်းရှင် (၃)ဦးမှ စားသုံးသူရေးရာဦးစီးဌာန၊ မအူပင်ခရိုင်ားစီးမှူးနှင့် လာရောက်တွေ့ဆုံ၍ အွန်လိုင်း ရောင်းချမှုလုပ်ငန်းနှင့် အွန်လိုင်းငွေကြေးလိမ်လည်မှု မဖြစ်ပေါ်စေရေး အသိပညာပေးဆွေးနွေးခဲ့ကို (၅-၉-၂၀၂၅ ရက်နေ့ နံနက် ၁၀နာရီအချိန်က တွေ့ဆုံခဲ့ကြောင်း သိရသည်။
တွေ့ဆုံဆွေးနွေးရာတွင် မအူပင်ခရိုင်ဦးစီးမှူး ဦးဇော်မင်းက အွန်လိုင်းမှတ်ပုံတင်လုပ်ငန်း ဆောင်ရွက်ပြီး သော လုပ်ငန်းရှင် ၃ဦးအား အွန်လိုင်းငွေကြေားလိမ်လည်မှုများ ယနေ့တွင် များပြားစွာ ဖြစ်ပေါ်နေပြီး အွန်လိုင်းမှတစ်ဆင့် ငွေကြေးလိမ်လည်မှု ဖြစ်စဉ်များ၊ ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု ဆက်နွှယ်မှုများကို အများပြည်သူများနှင့် လုပ်ငန်းရှင်များပါမကျန် သိရှိရန်လိုအပ်ကြောင်း၊ အွန်လိမ်းဖြင့် လိမ်လည်မှု ပုံစံများ အမျိုးမျိုးဖြစ်ပေါ်နေ၍ မိမိနှင့်မသိရှိသူများဖြစ်ပါက ငွေလဲလှယ်မှု မပြုလုပ်ရန်၊ မိမိထံမှ ကုန်စည်ဝယ်ယူသူမှန်ကန်မှသာ ငွေလဲလှယ်မှုများ သတိပြုလုပ်ဆောင်ရန်ကို မှာပြောကြားဆွေးနွေးပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် အရေးကြီးကုန်စည်နှင့် ဝန်ဆောင်မှုဥပဒေပုဒ်မ ၄၊ ပုဒ်မခွဲ (ဂ) အရ အွန်လိုင်းရှော့ပင်းလုပ်ငန်းများအားအရေးကြီးဝန်ဆောင်မှုလုပ်ငန်းအဖြစ် သတ်မှတ်လိုက်ခြင်းနှင့် အတူ လုပ်ငန်းများ လိုက်နာရမည့် ပြဌာန်းချက်တွေကိုပါ ထုတ်ပြန်လိုက်ပြီးမှတ်ပုံမတင်ဘဲ ဈေးရောင်းပါက ထောင် ၃ နှစ်အထိ ချမှတ်ခံရဖြစ်ကြောင်း ထို့ပြင် တားမြစ်၊ ကန့်သတ် သို့မဟုတ် ဥပဒေနှင့်ငြိစွန်းသော၊ အများပြည်သူ၏လုံခြုံမှုကို ထိခိုက်စေနိုင်သော၊ ဘေးအန္တရာယ်ကင်းရှင်းမှု သို့မဟုတ် လုံခြုံစိတ်ချရမှုမရှိကြောင်း ယူဆရသော၊ ရိုးရှင်းမှန်ကန်သော သတင်းအချက်အလက်နှင့် အာမခံမရှိကြောင်း ယူဆနိုင်သော၊ ခွင့်မပြု/တားမြစ်ထားသော စသည့် ကုန်စည်များ ရောင်းချပါက မှတ်ပုံတင်ပြန်သိမ်းမည်ဖြစ်ကြောင်း သတိပေးထားကြောင်းကို လုပ်ငန်းရှင်များအား အသိပေးဆွေးနွေးခဲ့ကြောင်း သိရသည်။
DOCA(ဧရာဝတီ)