လေဆိပ်သစ်တည်ဆောက်ရန်အတွက် Ratanakiri ပြည်နယ်၊ Lumphat ခရိုင်တွင် မြေဧက ၂,၀၀၀ နီးပါးကို နိုင်ငံတော်အစိုးရမှ ၃-၉-၂၀၂၅ ရက်နေ့က ခွင့်ပြုပေးခဲ့သည်။ အစိုးရ-ပုဂ္ဂလိက ပူးပေါင်းဆောင်ရွက်မှု (PPP) ဖြင့် ဆက်လက်ဆောင်ရွက်သွားမည့် အဆိုပါစီမံကိန်းကို အစိုးရမှ အဓိကအခြေခံအဆောက်အအုံများ စတင်ဆောင်ရွက်ရန်အတွက် မြေ ၁,၉၀၅ ဟက်တာ တွင် တည်ဆောက်မည်ဖြစ်ကြောင်း စီးပွားရေးနှင့်ဘဏ္ဍာရေး ဝန်ကြီးရုံးက ထုတ်ပြန်ထားသည်။ Ratanakiri ပြည်နယ် အာဏာပိုင်များနှင့် သက်ဆိုင်သူများ သည် စက်တင်ဘာ ၂ ရက်က Virtual အစည်းအဝေးမှတစ်ဆင့် Ratanakiri လေဆိပ်စီမံကိန်း ဖွံ့ဖြိုးတိုးတက်ရေးအတွက် တိုးတက်မှု နှင့် အစီအမံများကို ဆွေးနွေးခဲ့ကြသည်။ အဆိုပါ အစည်းအဝေးကို လေကြောင်း ပို့ဆောင်ရေး ညွှန်ကြားမှု ဦးစီးဌာန အတွင်းရေးမှူး Tek Slay က ဥက္ကဋ္ဌအဖြစ် ဆောင်ရွက်ခဲ့ပြီး သက်ဆိုင်ရာ ဌာနဆိုင်ရာ အသီးသီးမှ တာဝန်ရှိသူများ နှင့် သက်ဆိုင်ရာ ဌာန အသီးသီးမှ ကိုယ်စားလှယ် များ တက်ရောက် ကြသည်။ တွေ့ဆုံပွဲတွင် Ratanakiri ပြ်နယ်အုပ်ချုပ်ရေးမှူးရုံးမှ တာဝန်ရှိသူ များက ပြည်နယ်အတွင်း အခြေခံအဆောက်အအုံ ဖွံ့ဖြိုးတိုးတက်ရေးအတွက် ဒေသတွင်း စီးပွားရေး ဖွံ့ဖြိုးတိုးတက်ရေးအတွက် မြင့်မားသောမျှော်လင့်ချက်များကို အလေးပေး ဆွေးနွေးခဲ့ကြသည်။ ကမ္ဘောဒီးယားနိုင်ငံသည် ၂၀၂၅ ခုနှစ်၊ ပထမ (၇) လအတွင်း လေကြောင်း ခရီးသည် ၄.၀၈ သန်း လက်ခံရရှိခဲ့ပြီး တစ်နှစ်ထက်တစ်နှစ် ၁၆ ရာခိုင်နှုန်း တိုးလာခဲ့ကြောင်း နိုင်ငံခြားရေးဝန်ကြီးရုံး (SSCA) ၏ အစီရင်ခံစာအရ သိရသည်။
DOCA (ရန်ကုန်)