မန္တလေးတိုင်းဒေသကြီး ပြင်ဦးလွင်ခရိုင်သည် ရာသီးဥတုကောင်းမွန်ပြီး မြေဆီမြေလွှာ ကောင်းမွန်သော ကျေးလက်နေ၊ မြို့နေအများမှာ ဟင်းသီးဟင်းရွက်သစ်သီးဝလံအပြင် ပန်းမျိုးစုံကိုစိုက်ပျိုးပြီး မိသားစုစားဝတ်နေရေး အဆင်ပြေရုံမက အပိုဝင်ငွေပါရရှိလျက်ရှိပါသည်။ ၄င်းပန်းမျိုးစုံမှ ဂန္ဓမာပန်းကိုလည်း တစ်ပိုင်တစ်နိုင်မှစီးပွားဖြစ်စိုက်ပျိုးလျက်ရှိပါသည်။ ဂန္ဓမာပန်းသည် အရောင်အသွေး စုံလင်လှပြီးမြင်သူတိုင်းသဘောကျနှစ်ခြိုက်သော ပန်းတစ်မျိုးဖြစ်ပါသည်။ ဘုရားပန်းအဖြစ်သာမက အလှူမင်္ဂလာပွဲများတွင်လည်း အလှပန်းအဖြစ် သုံးဆွဲသောပန်းမျိုးဖြစ်ပါသည်။ ဂန္ဓမာပန်းမျိုးအစားမျာအဖြစ် ဆန်းမားအဖြူ၊ လပ်ကီးအဖြူ၊ အနီ၊ ကီလို၊ ကြွေဖြူစသဖြင့်များစွာ ရှိပါသည်။ မေလနောက်ပိုင်းနှင့် အောက်တိုဘာလနောက်ပိုင်းတွင် စိုက်ပျိုးသည်။ စိုက်ဘောင်(၂၀-၃၀)ပေနှင့် ပင်ကြား (၄-၅)လက်မစိုက်ပျိုးပြီး (၁)ဧကလျှင်အပင်ရေ(၄၀၀၀၀)ကျော်စိုက်ပျိုးပါသည်။ စိုက်ပျိုးပြီး (၅)လ အကြာတွင်စတင် ခူးဆွတ်နိုင်းပါသည်။ လက်ရှိ ဂန္ဓမာပန်းဈေးကွက်တွင် ငါးပင်ပါလက်ဆုပ်စီး တစ်စီးလျှင်ငွေကျပ်(၁၅၀၀)ရောင်းချပြီး ပန်းဈေးကွက်ကောင်းလျှင် တစ်ဧက(၁၂)သိန်းကျပ်မှ (၁၅) သိန်းကျပ်အထိအကျိုးအမြတ်ရရှိပြီး ဈေးကွက်ကောင်း၊ မကောင်းပေါ်မူတည်ကာ အကျိုးအမြတ် အနည်းအများကွာခြားတက်ပါသည်။ ယခုထွက်ရှိသော ဂန္ဓမာပန်းအပြင် ပြင်ဦးလွင်မှထွက်ရှိသော ပန်းမျိုးစုံကို နေ့စဉ် ၆ဘီးကား၊ Express ကားများဖြင့် မန္တလေး၊ နေပြည်တော်၊ ရန်ကုန်မြို့များသို့ တင်ပို့ရကြောင်း ပန်းစိုက်တောင်သူများနှင့် ပန်းပွဲရုံလုပ်ငန်းရှင်များထံမှ သိရှိရပါသည်။
DOCA(မန္တလေး)