“ကုန်စိမ်းသီးနှံများ စီးဝင်မှုနှင့်ဈေးနှုန်းအခြေအနေ”

              မန္တလေးတိုင်းဒေသကြီး၊ မန္တလေးမြို့နှင့် ကျောက်ဆည်ခရိုင်အတွင်းရှိ ကုန်စိမ်းပွဲရုံများသို့ တောင်ပေါ်ဒေသမှဝင်ရောက်လာသော ကုန်စိမ်းသီးနှံများသည် ဈေးကွက်အတွင်း အရောင်းအဝယ်ကောင်းနေကြောင်းကို မန္တလေးမြို့နှင့် ကျောက်ဆည်ခရိုင်အတွင်းရှိ ပွဲရုံပိုင်ရှင်များထံမှ သိရသည်။ လက်ရှိအချိန်တွင် မန္တလေးမြို့နှင့် ကျောက်ဆည်မြို့တို့တွင် တောင်ပေါ်ဒေသများမှ ထွက်ရှိသည့် ကုန်စိမ်းသီးနှံများသည် နေ့စဉ်ကားအစီးရေ (၈၀)စီးခန့် ပုံမှန်ဝင်ရောက်နေကြောင်း၊ ယခုလက်ရှိ ဈေးနှုန်းများမှာ ခရမ်းချဉ်သီး လက်ကားတစ်ပိဿာလျှင် (၁၈၀၀-၂၀၀၀)ကျပ်၊ လက်လီ တစ်ပိဿာလျှင် (၂၅၀၀)ကျပ်၊ ဂေါ်ရခါးသီး လက်ကား တစ်ပိဿာလျှင် (၄၂၀၀-၄၃၀၀)ကျပ်၊ လက်လီ တစ်ပိဿာ လျှင် (၄၅၀၀-၄၆၀၀)ကျပ်၊ မုန့်ညင်း လက်ကားတစ်ပိဿာလျှင် (၃၀၀၀/-)ကျပ်၊ လက်လီ တစ်ပိဿာလျှင် (၄၀၀၀/-)ကျပ်၊ ဂေါ်ဖီ လက်ကား တစ်ထုပ်လျှင် (၅၀၀-၆၀၀)ကျပ်၊ လက်လီ တစ်ထုပ်လျှင် (၈၀၀-၁၀၀၀)ကျပ်၊ ပန်းမုံလာ လက်ကားဈေး တစ်ပွင့် (၁၀၀၀-၁၅၀၀)ကျပ်၊ လက်လီဈေး တစ်ပွင့်လျှင် (၁၅၀၀-၂၀၀၀)ကျပ်၊ အာလူး လက်ကားတစ်ပိဿာလျှင် (၃၀၀၀-၃၅၀၀) ကျပ်၊ လက်လီ တစ်ပိဿာလျှင် (၄၀၀၀-၄၅၀၀)ကျပ်၊ ဂျင်း လက်ကား တစ်ပိဿာလျှင် (၁၅၀၀/-) ကျပ်၊ လက်လီ တစ်ပိဿာလျှင် (၂၀၀၀/-)ကျပ်၊ မျှစ်ချဉ် လက်ကား တစ်ပိဿာလျှင် (၃၀၀၀/-)ကျပ်၊ လက်လီ တစ်ပိဿာလျှင် (၃၅၀၀/-)ကျပ်၊ ခရမ်းသီး အလုံးကြီး တစ်ပိဿာလျှင် (၂၅၀၀/-)ကျပ်၊ လက်လီ တစ်ပိဿာလျှင် (၃၂၀၀/-)ကျပ်နှင့် ရွှေဖရုံသီး အလုံးကြီး တစ်လုံးလျှင် (၁၀၀၀/-)ကျပ်၊ အလုံးသေး တစ်လုံးလျှင် (၅၀၀)ကျပ်များဖြင့် အရောင်းအဝယ်ဖြစ်နေ ကြောင်း သိရသည်။ ကုန်စိမ်း သီးနှံများသည် မြေပြန့်ဒေသမှ ဝင်ရောက်မှုနည်းပါးပြီး တောင်ပေါ်ဒေသများဖြစ်သည့် ပင်းတယ၊ အောင်ပန်း၊ ရေဦး၊ ရွာငံ ဒေသများမှ အဓိကအများဆုံး ဝင်ရောက်ပြီး ၎င်းသီးနှံများသည် ရာသီ အလိုက်ထွက်ရှိသော သီးနှံများဖြစ်၍တောင်သူများအတွက် အကျိုးဖြစ်ထွန်းသည့် သီးနှံများဖြစ်ကြောင်း သိရှိရသည်။

DOCA(မန္တလေး)