ပုသိမ်ခရိုင်၊ ငပုတောမြို့နယ်၊ စားသုံးသူရေးရာဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် အားကစားဌာနတို့ ပူးပေါင်း၍ (၁၅.၈.၂၀၂၅) ရက်နေ့၊ နေ့လည် (၁၄း၀၀) အချိန်တွင် ငပုတောမြို့၊ ဝက်ဆူကျေးရွာ အ.လ.က ဝက်ဆူကျောင်းသို့ သွားရောက်၍ ကျောင်းသား/ ကျောင်းသူ များအား အသိပညာပေးဟောပြောခဲ့ပါသည်။
အဆိုပါ ဟောပြောပွဲတွင် မြို့နယ်တာဝန်ခံမှ စားသုံးသူကာကွယ်ရေးဥပဒေ အခန်း(၁၈) ပါ၊ ပုဒ်မ ၄၁၊ ပုဒ်မခွဲ (ခ)နှင့် (ဂ) တို့ပါ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင် ပမာဏ၊ အလေးချိန်၊ သုံးစွဲပုံနည်းလမ်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲတို့အား ပြည့်စုံစွာပါဝင်မှုရှိ/မရှိ သေချာစွာကြည့်ရှုပြီး ဝယ်ယူစားသုံးသင့်ကြောင်း အသိပညာပေးဟောပြော ခဲ့ကြောင်း သိရှိရပါသည်။
(DOCA)ဧရာဝတီ