မန္တလေးမြို့တွင်းသို့ ပဲခူး၊ မွန်ပြည်နယ်၊ ကရင်ပြည်နယ်များမှ ကျွဲကောသီးများ ဝင်ရောက် လျက် ရှိသည်။ကျွဲကောသီးအဖြူနှင့်ပန်းရောင်များမှာအရည်ရွမ်းပြီးချိုပေါ့ကာ အချဉ်ဓာတ် အနည်းငယ် သာပါဝင်သောကြောင့် သွေးတိုးနှင့်ဆီးချိုသမားများ ရာသီဥတုပူပြင်းသည့်အတွက် အပူဒဏ် ကြောင့် မူးနောက်ခြင်းကို သက်သာစေသည့်အတွက် ကျွဲကောသီးများကို စားသုံးကြပါသည်။ မန္တလေးမြို့တွင် နှစ်စဉ် ဇူလိုင်၊ ဩဂုတ်လများတွင် စတင်ဝင်ရောက်ပြီး ရောင်းဝယ်မှုရှိကြသည်။ ယခင်နှစ်ကျွဲကောသီးရာသီတွင် ၁ လုံး လျှင် ၇၀၀၀ကျပ်မှ ၈၀၀၀ကျပ် စတင်ခဲ့ပြီး အဝင်လှိုင် သည့်ရက်များတွင် ၅၀၀၀ ကျပ် ၄၀၀၀ ကျပ် ထိရောင်းဝယ်မှုရှိကြောင်း ယခုနှစ်တွင် ဇူလိုင်လ ဒုတိယပတ်တွင် ကျွဲကောသီးတစ်လုံး ထိပ်စ ၆၀၀၀ ကျပ် မှ ၇၀၀၀ ကျပ် လတ်စတစ်လုံးလျှင် ၅၀၀၀ကျပ် မှ ၄၀၀၀ကျပ် ဈေးနှုန်းများနှင့်ရောင်းဝယ် မှုရှိပြီး ယခုရက်ပိုင်းအတွင်း ရာသီဥတု ပူပြင်းခြင်း၊ ရာသီအဖျားများခြင်းတို့ကြောင့် ရာသီစာကျွဲ ကောသီးများ ဓာတ်စာအဖြစ် စားသုံးမှု များသည့်အတွက် ဈေးကွက်တွင် အရောင်းအဝယ်ဖြစ် လျက်ရှိကြောင်း သိရှိပါသည်။
DOCA(မန္တလေး)