၂၀၂၅ခုနှစ်၊ သြဂုတ်လ(၂၀)ရက်နေ့၊ နံနက်(၁၀း၀၀)နာရီအချိန်တွင် မြိတ်ခရိုင်စားသုံး သူရေးရာဦးစီးဌာနသည် အွန်လိုင်းမှတ်ပုံတင်ရရှိထားသောလုပ်ငန်းရှင်များကိုခေါ်ယူပြီး မြိတ် မြို့၊ ကမ်းနားလမ်း၊ ဆိပ်ငယ်ရပ်ရှိ စားသုံးသူရေးရာဦးစီးဌာနတွင် အွန်လိုင်းစနစ်ဖြင့်ရောင်းချ ခြင်းလုပ်ငန်းနှင့် စပ်လျဉ်း၍ အသိပညာပေးဟောပြောဆွေးနွေးခြင်း ဆောင်ရွက်ခဲ့ကြောင်း သိရှိရပါသည်။
အသိပညာပေးဟောပြောဆွေးနွေးရာတွင် အွန်လိုင်းဖြင့် ရောင်းချပါက မိမိတို့ရောင်းချနေသော ကုန်စည်နှင့်ဝန်ဆောင်မှုများအား တာဝန်ယူဖြေရှင်းပေးရမည်ဖြစ်ကြောင်း၊ သတင်းအချက်အလက်၊ အာမခံချက်၊စသည်များကို တိကျစွာဖော်ပြထားရှိရမည်ဖြစ်ပြီး မှတ်ပုံတင်လက်မှတ်ရရှိထားသူ၏ တာဝန်များအကြောင်း တို့ကိုရှင်းလင်းပြောကြားခဲ့ကြပါ သည်။ ထိုနောက် အွန်လိုင်းမှတ်ပုံတင်ဆောင်ရွက်ရခြင်းနှင့် ရရှိနိုင်သည့်အခွင့်အရေးများအား ပြောကြားခဲ့ပြီး သက်တမ်းတိုးခြင်းနှင့် ပတ်သက်၍ လိုက်နာဆောင်ရွက်ရမည့်အချက်များအား ရှင်းလင်းပြောကြားခဲ့ကြောင်းသိရှိရပါသည်။
DOCA(တနင်္သာရီ)