မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ဇင်ဖြူဝင်းနှင့် မြို့နယ်စည်ပင်သာယာရေးအဖွဲ့တို့သည် (၁၃.၈.၂၀၂၅) ရက်နေ့တွင် ဘီးလင်းမြို့ ဘိုးရာဇာရပ်ကွက်၊ မင်္ဂလာစျေးသို့သွားရောက်၍ စျေးကွက်အတွင်း ရောင်းချနေသော စားသုံးဆီအမျိုးမျိူးတို့အား စားသုံးသူများ ဘေးအန္တရာယ်ကင်းရှင်းစေရေးအတွက် ရည်ရွယ်၍ စျေးကွက်စောင့်ကြည့် စစ်ဆေးမှု ပြုလုပ်ခဲ့ပါသည်။ ထိုသို့ စစ်ဆေးမှု ပြုလုပ်ခဲ့ရာတွင် စားသုံးဆီအမျိုးမျိုးတွင် ကုန်အညွှန်းအမှတ်အသားပြည့်စုံစွာ ဖော်ပြခြင်း ရှိ/မရှိနှင့် သက်ဆိုင်ရာဌာနများ၏ ထောက်ခံချက်ပါ/မပါတို့ကို အဓိကထားစစ်ဆေးပြီးနောက် ရောနှောဆီများ ရောင်းချခြင်း ရှိ/မရှိတို့ကို စစ်ဆေးခဲ့ရာ စားသုံးသူများလုံခြုံစိတ်ချစွာ စားသုံးနိုင်သော ဘေးအန္တရာယ်ကင်းသော စားသုံးဆီများကိုသာ ရောင်းချနေပြီး စစ်ဆေးသူတာဝန်ရှိသူများက လုံခြုံစိတ်ချမှုရှိသော ကုန်စည်များကိုသာ ရောင်းချမှုပြုကြရန် ကုန်စည်ရောင်းချသူတို့အား အသိပညာပေး ပြောကြားခဲ့ကြောင်း သိရှိရပါသည်။
DOCA (မွန်)