“ သန်လျင်မြို့နယ်အတွင်းရှိ ဆေးဆိုင်များတွင် ဆေးဝါးများပြတ်လပ်မှုရှိ/မရှိနှင့် ဈေးနှုန်း မြှင့်တင်နေမှုရှိ/မရှိ ကွင်းဆင်းစစ်ဆေးခြင်း ”

       ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ် စည်ပင်သာယာမြို့မဈေး အတွင်း/အပြင်ရှိ ဆေးဝါးများ ပြတ်လပ်နေမှုရှိ/မရှိနှင့် ဈေးနှုန်းမြှင့်တင်ရောင်းချနေမှုရှိ/မရှိ ဝယ်ယူသုံးစွဲနေရသည့် ပြည်သူများ အမှန်တကယ် ဝယ်ယူသုံးစွဲနေသည့် အခြေအနေများ သိရှိနိုင်စေရန်အတွက် စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ ဩဂုတ်လ(၁၂)ရက်နေ့၊ နေ့လယ်(၁၄:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရသည်။

        ကွင်းဆင်းစစ်ဆေးရသည့် ကိစ္စနှင့်ပတ်သတ်၍ ရန်ကုန်တောင်ပိုင်းခရိုင်ရုံး(သန်လျင်မြို့)မှ ဒုခရိုင်မှူး ဦးဦးသိန်းမောင် (ဦးစီးအရာရှိ)က စားသုံးသူရေးရာဦးစီးဌာန အနေဖြင့် ဈေးကွက်အတွင်း ဆေးဝါးများ ပြတ်လပ်မှုမရှိစေရေးနှင့် ဆေးဝါးများအား ဈေးနှုန်းမြှင့်တင်ရောင်းချမှုမရှိစေ ရေးတို့အတွက် ဈေးနှုန်းဈေးကွက် အခြေအနေ၊ ဆေးဝါးများဈေးကွက်အတွင်းသို့ ဝင်ရောက်မှု အခြေအနေများ၊ ယခင်အပတ်ဈေးနှုန်းနှင့် ယခုအပတ်ဈေးနှုန်းများ နှိုင်းယှဉ်ရာတွင် ဈေးနှုန်း ပြောင်းလဲမှုမရှိပါကြောင်း၊ ဆေးဆိုင်များရှိ တာဝန်ခံများ၏ ရှင်းလင်းပြောကြားချက်အပေါ် အပြန်အလှန် ဆွေးနွေးခဲ့ပါကြောင်းနှင့် ဈေးကွက်အတွင်း ဆေးဝါးများအား ဈေးနှုန်းမြှင့်တင် ရောင်းချခြင်းများ မပြုလုပ်ကြရန် အသိပညာပေး ကွင်းဆင်းဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)