ဧရာဝတီတိုင်းဒေသကြီး၊ မအူပင်ခရိုင်၊ နယ်စပ်ရေးရာဝန်ကြီးဌာန နယ်စပ်တိုင်းရင်းသား လူငယ်များ ဖွံ့ဖြိုးသင်တန်းကျောင်းတွင် ခန်းမတွင် ကျောင်းသာလူငယ်များ မိမိတို့ရရှိမည့် အခွင့်အရေးများကို သိရှိစေရန် ရည်ရွယ်ပြီး မအူပင်ခရိုင် စားသုံးသူရေးရာဦးစီးဌာနက စားသုံးသူအခွင့်အရေးထိခိုက်နစ်နာပါက စားသုံးသူရေးရာဦးစီးဌာသို့ တိုင်ကြားနိုင်ကြောင်းနှင့် စားသုံးသူကာကွယ်ရေး သိကောင်းစရာကို ၁၁-၈-၂၀၂၅ နံနက်(၁၀)နာရီခွဲအချိန်က ဟောပြောပွဲ ကျင်းပပြုလုပ်သည်။
ဟောပြောရာတွင် ဦးအောင်ဇော်ဦး ဒုခရိုင်ဦးစီးမှူးက စားသုံးသူအခွင့်အရေး ထိခိုက်နစ်နာမှုများကို ကာကွယ်ပေးနိုင်ရန်အတွက် စားသုံးသူရေးရာဦးစီးဌာန၊ မအူပင်ခရိုင် စားသုံးသူသတင်းပြန်ကြားရေးနဲ့ တိုင်ကြားမှု လက်ခံဆောင်ရွက်ရေးဌာန (CICC) ကို ၂၀၁၉ နှစ်အစကနေ လက်ရှိအချိန်အထိ လက်ခံ ဖြေရှင်းဆောင်ရွက်ပေးလျက်ရှိကြောင်း၊ တိုင်ကြားမှုတွေ ဖြစ်လာတဲ့အခါမှာ နှစ်ဦးနှစ်ဖက်က ပြေလည်အောင်ခေါ်ယူညှိနှိုင်ပြီးတော့ အရင်ဆုံး ပြေလည်သွားအောင် ဖြေရှင်းတဲ့ကိစ္စကို အရင်ဆောင်ရွက်ပြီး နစ်နာသူက နစ်နာမှုတအားကြီးလို့ပဲ ဖြစ်ဖြစ်၊ မကျေနပ်လို့ဖြစ်ဖြစ် တရားရုံးမှာဆက်ပြီး တရားစွဲဆိုမယ် ဥပဒေအရ အရေးယူမယ်ဆိုရင် ကျနော်တို့က ဥပဒေအရ ဆောင်ရွက်ပေးရန်ကူာီလျက်ရှိကြောင်း၊ စားသုံးသူတွေဘက်က နစ်နာလို့ စားသုံးသူ သတင်းပြန်ကြားရေးနှင့် တိုင်ကြားမှုလက်ခံဆောင် ရွက်ရေးဌာန (CICC) ကို တိုင်ကြားလာပါက မှန်ကန်ပြည့်စုံမှု ရှိ၊ မရှိ စုံစမ်း စစ်ဆေးအတည်ပြုတာ၊ တိုင်ကြားမှုကို လက်ခံမှတ်တမ်းရေးသွင်းတာ စတာတွေ လုပ်ပြီး အမှုတွဲကို အငြင်းပွားမှုဖြေရှင်းရေးအဖွဲ့၊ တိုင်ကြားမှု လက်ခံဆောင်ရွက်ရေးကော်မတီတွေကို အဆင့်ဆင့် တင်ပြဆောင်ရွက်တယ်လို့ ဆိုပါတယ်။ ဒါ့အပြင် လုပ်ငန်းဆောင်ရွက်မှုတွေကို စားသုံးသူ အကာအကွယ်ပေး ရေးဗဟိုကော်မတီကို အဆင့်ဆင့် တင်ပြပြီး အဆုံးအဖြတ်ခံယူတာ၊ အခြားနစ်နာမှုတွေ ရှိလာပါက သက်ဆိုင် ရာ တည်ဆဲဥပဒေတွေအရ တရားရုံးကို ဦးတိုက်လျှောက်ထားစေတာတွေ လုပ်ဆောင် ပေးလျှက်ရှိကြောင်း၊ စားသုံးသူရေးရာဦးစီးဌာနသို့ တိုင်ကြားနိုင်သည့် နည်းလမ်း ၇မျိုးအကြောင်းကို အကျယ်တဝင့်သိရှိနိုင်ရန် ကျောင်းသူ/ လူငယ်များသိရှိနိုင်ရန် အသိပညာပေးဟောပြောခဲ့ကြောင်း သိရသည်။
DOCA(ဧရာဝတီ)