မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ မြို့ပတ်ဝန်းကျင်ရှိ ရွာတော်၊ ဥယျာဉ်၊ ပန်းတော်ပြင်၊ မယ်ဇလီတော၊ ညောင်ပင်သာ စသည့်ကျေးရွာများနှင့် သရက်၊ တောင်တွင်းကြီး၊ မင်းဘူး၊ မကွေး၊ မန္တလေးနှင့် ရှမ်းပြည်နယ်၊ အောင်ပန်းမြို့တို့မှ ဟင်းသီးဟင်းရွက်နှင့် အသီးအနှံများ နေ့စဉ်ဝင်ရောက် အရောင်းအဝယ်ဖြစ်လျက်ရှိပါသည်။
၂၀၂၅ခုနှစ်၊ ဩဂုတ်လ(ဒုတိယပတ်)တွင် တိုင်ထောင်ပဲသီး(၁)ပိဿာလျှင် ကျပ်(၂၅၀၀)ဖြင့် အရောင်းအဝယ် ဖြစ်လျက်ရှိပြီး ယခင်ဇူလိုင်လ(ဒုတိယပတ်)တွင် ပဲသီး(၁)ပိဿာလျှင် ကျပ်(၃၀၀၀)ဖြင့် အရောင်းအဝယ်ဖြစ်ခဲ့ရာ ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၅၀၀)ခန့် ဈေးနှုန်းကျဆင်းပြီး အရောင်းအဝယ်ဖြစ်ကြောင်း သိရသည်။ မင်းလှမြို့ပတ်ဝန်းကျင်ရှိ ကျေးရွာများ၌ မိုးတွင်းကာလဖြစ်၍ သီးနှံစိုက်ခင်းများပေါ်ထွက်လျက်ရှိရာ တိုင်ထောင်ပဲသီးမှာလည်း အပါအဝင်ဖြစ်ပြီး ယခင်လများတွင် သရက်မြို့နှင့် တောင်တွင်းကြီးမြို့တို့မှ မှာယူရောင်းချရသော်လည်း ယခုအချိန်တွင် ဒေသတွင်း တစ်နိုင်တစ်ပိုင် တိုင်ထောင်ပဲသီးစိုက်ခင်းများထွက်ရှိလာချိန်ဖြစ်သည့်အတွက် ဈေးနှုန်းမှာကျဆင်းလာခြင်းဖြစ် ကြောင်း သိရှိရသည်။
DOCA(မကွေး)