မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ ပဲနက်စေ့(ခေါ်) မောင်မခေါ်ပဲသည် မြို့ပေါ်ပွဲရုံများမှတဆင့် ဈေးအတွင်းသို့ ဝင်ရောက်အရောင်းအဝယ်ဖြစ်လျက်ရှိကြောင်း၊ မြို့နယ်အတွင်းရှိ ဇီးတော၊ မင်းဂံ၊ ဘွဲ့၊ ညှင်းသွန်း၊ လင်းကယ် စသည့်ကျေးရွာများတွင် အဓိကစိုက်ပျိုးကြကြောင်း သိရသည်။
၂၀၂၅ခုနှစ်၊ ဩဂုတ်လ(ဒုတိယပတ်)တွင် မောင်မခေါ်ပဲ(၁)ပြည်လျှင် ကျပ်(၈၅၀၀)ဖြင့် အရောင်း အဝယ်ဖြစ်လျက်ရှိကြောင်း၊ ယခင်ဇူလိုင်လ(ဒုတိယပတ်)တွင် (၁)ပြည်လျှင် ကျပ်(၉၅၀၀-၁၀၀၀၀)ဖြင့် အရောင်းအဝယ်ဖြစ်လျက်ရှိရာ ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၁၀၀၀-၁၅၀၀)ဈေးကျဆင်းအရောင်းအဝယ်ဖြစ်ကြောင်း သိရသည်။ ယခုနှစ်တွင် အထက်မင်းလှမြို့နယ်အတွင်း ထွက်ရှိခဲ့သည့် မောင်မခေါ်ပဲများမှာ အရည်အသွေးညံ့သည့်အတွက် ပွဲရုံများတွင် ဈေးနှုန်းကျဆင်း၍အရောင်းအဝယ် ဖြစ်ခဲ့ပြီး ဈေးရရှိမှုနည်းသည့်အတွက် တောင်သူများအနေဖြင့် ပွဲရုံများတွင်ရောင်းချမှုထက် မိမိတို့ လက်ဝယ်တွင် သိုလှောင်ထားမှုများလျက်ရှိကြောင်း သိရှိရသည်။
DOCA(မကွေး)