ပြင်ဦးလွင်မြို့နယ်၊စက်သုံးဆီကြီးကြပ်မှုကော်မတီမှ သြဂုတ်လ (၆)ရက်နေ့တွင် မြို့နယ် အတွင်းရှိ စက်သုံးဆီအရောင်းဆိုင်များသို့ စက်သုံးဆီနေ့စဉ်ဝင်ရောက်မှု၊ရောင်းချသည့်စျေးနှုန်း၊ ဆီလက်ကျန် အခြေအနေများအား ကွင်းဆင်းစစ်ဆေးခဲ့ပါသည် ။ စားသုံးသူရေးရာဦးစီးဌာနမှ ယခုအချိန်အတွင်း ပြင်ဦးလွင်မြို့တွင်းသို့ အခြားဒေသမှ ဧည့်သည်များဝင်ထွက်မှုများလာနေသည့် အပေါ် စက်သုံးဆီပြတ်လပ်မှုမရှိစေရေး၊PPRT မှသတ်မှတ်ထားသော ရည်ညွှန်းစျေးတို့ဖြင့်ရောင်းချ မှုရှိစေရေး ၊ စျေးကစားရန်ရည်ရွယ်ချက်ဖြင့် ထိန်းချုပ်သိုလှောင်ရောင်းချခြင်း မရှိစေရေးတို့ကို ပြောကြားခြင်း ၊ မြို့နယ်အထွေထွေအုပ်ချုပ်ရေးဦးစီးဌာနမှ ဒေါ်နီလာမြင့်က စက်သုံးဆီကဏ္ဍ သည်လည်း ခရီးသွားဧည့်သည် ဝင်ရောက်လာမှုများလာသည်နှင့်အမျှအရေးကြီးပါကြောင်း၊စက်ရုံ၊ အလုပ်ရုံ၊စိုက်ပျိုးရေးလုပ်ငန်းများအတွက်လည်း လည်ပတ်နိုင်ရေး စက်သုံးဆီလုပ်ငန်းရှင်များနှင့် တွေ့ဆု့ညှိနှိုင်းပေးထားပါကြောင်း ၊ ပုံမှန်ဝယ်ယူခြင်းကိုသာ လက်ခံရောင်းချပေးရန်လိုကြောင်း၊ အခြားဒေသများသို့ စီးထွက်မရှိစေရေးအလေးထားဂရုစိုက်ရန်လိုကြောင်း ပြောကြားပြီး စက်သုံးဆီ ဆိုင်များရှိ လီတာ ၂၀ ဆံ့ စံပြချိန်ခွက်ဖြင့် အလေးချိန်လီတာများကို တိုက်ဆိုင်စစ်ဆေးခဲ့ကြောင်း သိရှိရပါသည်။
DOCA (မန္တလေး)