အာလူးသည် လူကြိုက်များသော ဟင်းသီးဟင်းရွက်အုပ်စုထဲမှာပါဝင်ပြီး အိမ်တိုင်းတွင် ဆောင်ထားလေ့ရှိသည့် သီးနှံတစ်မျိုးဖြစ်ပါသည်။အာလူးသီးနှံကို အေး၍သမရာသီဥတုကိုကြိုက်နှစ် သက်သောကြောင့် ရှမ်းပြည်နယ်တွင် အများဆုံးစိုက်ပျိုးကြပြီး အကျိုးအမြတ်ရှိသည့် သီးနှံဖြစ်သည့် အပြင် စားသုံးသူများအတွက်လည်း တန်ဖိုးမြင့်မားသည့် သီးနှံဖြစ်သည့်အတွက် အားလူစိုက်ပျိုး ဖြစ်ထွန်းနိုင်သောဒေသများတွင် တိုးချဲ့စိုက်ပျိုးလျှက်ရှိပါသည်။ရှမ်းပြည်နယ်တွင် မိုးအာလူးများကို ယာမြေများ၌ မတ်လနှင့်ဧပြီလများတွင် စတင်စိုက်ပျိုးပြီး သြဂုတ်လနှင့်စက်တင်ဘာလများတွင် စတင်တူးဖော်နိုင်ပြီး ဆောင်းအာလူးများကို ဇန်နဝါရလနှင့်ဖေဖော်ဝါရီလများတွင် စတင်စိုက်ပျိုးပြီး ဧပြီလနှင့်မေလများတွင် စတင်တူးဖော်နိုင်ပြီဖြစ်ပါသည်။ကျောက်ဆည်မြို့နယ်အနေဖြင့် ယခုအချိန် တွင်မိုးအာလူးများအား ရွာငံ၊တောင်ကြီးစသည့်မြို့များမှ ဝင်ရောက်ရောင်းချလျှက်ရှိပါသည်။အာလူး အကြီး(၁)ပိဿာလျှင်(၄၀၀၀/-)ကျပ်၊အသေး(၁)ပိဿာလျှင်(၃၀၀၀/-)ကျပ်ဖြင့် ကျောက်ဆည်မြို့ရှိ စျေးများအတွင်းရောင်းချလျှက်ရှိပါသည်။အာလူးသီးနှံသည် အလွယ်တကူဝယ်ယူရရှိသည့်အပြင် ကျန်းမာရေးအကျိုးကျေးဇူးများ အမြောက်အများပေးနိုင်သည့်သီးနှံဖြစ်ပါသည်။အာလူးကိုစွယ်စုံရ ဘက်စုံသုံးအစားအစာတစ်မျိုးအပြင် အဟာရပြည့်မှီအောင် စီမံချက်ပြုတ်စားသောက်နိုင်သော သီးနှံဖြစ်ကြောင်းသိရှိရပါသည်။
DOCA (မန္တလေး)