ဧရာဝတီတိုင်းဒေသကြီး၊ ဖျာပုံခရိုင် ၊ ကျိုက်လတ်မြို့နယ်ရှိ ပြန်ကြားရေးနှင့် ပြည်သူ့ဆက်ဆံ ရေးဦးစီးဌာနရုံးတွင် (၇.၈.၂၀၂၅) ၊ နေ့လယ် (၁၅:၀၀) နာရီ အချိန်တွင် စားသုံးသူရေးရာဦးစီးဌာနမှ ဒု-ကြီးကြပ်ရေးမှူး ဦးတင်စိန်နှင့်ဝန်ထမ်းတို့သည် စားသုံးသူကာကွယ်ရေး အသိပညာပေး Talk Show ကိုကျင်းပပြုလုပ်ခဲ့ကြပါသည်။
စားသုံးသူရေးရာဦးစီးဌာနမှ ထုတ်ပြန်ထားသော ဥပဒေများတွင် အခန်းပေါင်း (၂၅) ခန်းရှိသည့် အနက် အခန်း(၉) ဖြစ်သော စားသုံးသူ၏ အခွင့်အရေးနှင့် တာဝန်များအကြောင်း ရှင်းလင်း ပြောကြား ခဲ့ပါသည်။စားသုံးသူများ ဘေးအန္တရာယ်ကင်းရှင်းစွာ အသုံးပြုနိုင်ရေး အတွက် စားသုံးသူရေးရာဦးစီး ဌာနအနေဖြင့် အသိပညာပေး ဟောပြောပွဲများ၊ ဈေးကွက်ကွင်းဆင်း စစ်ဆေးခြင်းများ၊ပြည်သူလူထုထံ သို့ အသိပညာပေး လက်ကမ်းစာစောင်များ ဖြန့်ဝေပေးခြင်းတို့ကို လုပ်ဆောင်ပေးလျက်ရှိပါသည်။ ထို့အပြင် စားသုံးသူ နစ်နာဆုံးရှုံးမှု ဖြစ်ပေါ်လာ၍ တိုင်ကြားလာသည့်အခါတွင်လည်း လက်ခံဖြေရှင်း ဆောင်ရွက်ပေးလျက်ရှိကြောင်း အသိပညာပေး Talk Show ပြုလုပ်ခဲ့မှုအပေါ် သတင်းရရှိပါသည်။
(Doca ဧရာဝတီ)