ကလေးမြို့၊ မြို့တော်ခန်းမ၌ စိုက်ပျိုးသီးနှံများ ပန်းတိုင်အထွက်တိုးစေရန်အတွက် ကျေးရွာ ( ၅ )ရွာမှတောင်သူများအား ယူရီးယားဓါတ်မြေသြဇာ ထောက်ပံ့ပေးအပ်ပွဲအခန်းအနားကို (၈.၈.၂၀၂၅) ရက်နေ့တွင် နေ့လယ် ( ၁၄:၀၀ )တွင် ကျင်းပပြုလုပ်ခဲ့ပါသည်။
အဆိုပါအခန်းအနားတွင် ပထမဦးစွာ စစ်ကိုင်းတိုင်းဝန်ကြီးချုပ် ဦးမြတ်ကျော်မှ အဖွင့်အမှာ စကားပြောကြားရာ ယခုကျင်းပပြုလုပ်တဲ့အခမ်းအနားကို တက်ရောက်ပေးကြပါသော တောင်သူ လယ်သမားများနှင့် ဌာနဆိုင်ရာမှဝန်ထမ်းများအား အထူးပင်ကျေးဇူးတင်ကြောင်း ပြောကြား၍ စစ်ကိုင်းတိုင်းဒေသကြီးမှ စိုက်ပျိုးရေးကို အဓိကအားထားရတဲ့ဒေသကြီးဖြစ်ကြောင်း၊ ကလေးခရိုင်မှ သီးနှံများစိုက်ပျိုးရာတွင် စပါး၊ ဆီထွက်သီးနှံ၊ ပဲမျိုးစုံဖူလုံရုံသာမကပဲ ပိုလျှံသည့်ဒေသဖြစ်ပါ ကြောင်း၊ စိုက်ပျိုးရေးနှင့် သီးနှံအထွက်တွင်အားထားရသည့် မြို့တစ်မြို့လည်းဖြစ်ပါကြောင်း၊ တောင်သူများကို တစ်ဖက်တစ်လမ်းမှ အကျိုးပြုနိုင်ရန်အတွက် ယူရီးယားဓါတ်မြေသြဇာကို ဈေးနှုန်းချိုသာစွာဖြင့် အကျိုးအမြတ်မယူပဲ တောင်သူလက်ဝယ်သို့ အရောက်ပို့ပေးပြီး စိုက်ပျိုးရာ တွင်လည်း တောင်သူများအနေဖြင့် ရာနှုန်းပြည့်ကွင်းလပ်မချန်ပဲ စိုက်ပျိုးသွားစေလိုပါကြောင်း ပြောကြားပြီး တိုင်းစိုက်ပျိုးရေးဦးစီးမှူး ဦးစိန်မောင်မြင့်မှ ပန်းတိုင်စိုက်ပျိုး ထွက်ရှိမှု ရရှိရေးအတွက် သီးနှံများစိုက်ပျိုးရာတွင် တောင်သူများအနေဖြင့် စိုက်ပျိုးရေးဦးစီးဌာနနှင့် ပူးပေါင်းဆောင်ရွက်ခြင်း၊ နည်းစနစ်မှန်ကန်စွာ စိုက်ပျိုး၍ မိမိတို့မျှော်မှန်းသည့် သီးနှံများ အထွက်တိုးမည်ဖြစ်ပါကြောင်း ပြောကြားပြီး တိုင်းဌာနဆိုင်ရာများမှ ကျေးရွာ( ၅ )ရွာမှ တောင်သူများသို့ ယူရီးယားဓါတ်မြေသြဇာ များ ထောက်ပံ့ပေးအပ်ပြီး သီးနှံစိုက်ပျိုးသည့် တောင်သူများကိုယ်စား ကျောင်းတိုက်ကျေးရွာ တောင်သူတစ်ဦးမှ မိမိတို့အား ယူရီးယားဓါတ်မြေသြဇာများ ထောက်ပံ့ပေးအပ်ခြင်းအတွက် စစ်ကိုင်းတိုင်းဝန်ကြီးချုပ်နှင့်အတူ ဌာနဆိုင်ရာဝန်ထမ်းများအားလုံးကို အထူးကျေးဇူးတင်ရှိပါ ကြောင်းပြောကြား၍ အခမ်းအနားကို ညနေ(၀၃:၀၀)နာရီတွင် ပြီးမြောက်ကြောင်း သတင်းရရှိပါ သည်။
DOCA(စစ်ကိုင်း)