နေရာဒေသအလိုက်ပန်းအမည်အခေါ်အဝေါ် ကွဲပြာကြသည်။ ပြည်လုံးချမ်းသာပန်းကို Morning Flower ၊Lucky Flower ၊ ရှစ်နာရီပန်း ၊ကိုးနာရီပန်း၊မွန်းတည့်ပန်း၊အိမ်လုံးချမ်းသာ စသည်ဖြင့် မျိုးစုံ ခေါ်ဝေါ်ကြသည်။မွှေးသောပန်းများက ရနံ့ဖြင့် လူတွေ၏ စိတ်ကိုလန်းဆန်းသလို ပြည်လုံးချမ်းသာ ရောင်စုံပန်းလှကလေးများကလဲ ရနံ့မကြွယ်ပေမဲ့ သူတို့ရဲ့အလှနှင့် အိမ်တစ်အိမ်လုံ၏ ဂုဏ်ကို တင့်တယ်စေသည်။ ပြည်လုံးချမ်းသာပန်းပင်သည် အရိုးကျရှင်သန်ဖြစ်ထွန်သော ရွက်ကျပင်မျိုးဖြစ် သည်။ ပြည်လုံချမ်းသာပန်းပင်သည် မိုးကျသည်နှင့် တပြိုနက် အညွှန့်အတက်များ ထွက်ပေါ်လာပြီး ပန်းအလွန်ပွင့်သောအပင်မျိုးဖြစ်သည်။အဖြူရောင်၊အနီရောင်၊အဝါ၊ခရမ်းရောင်၊ အဝါကြားရောင် စသည်ဖြင့် အရောင်မျိုးစုံရှိသည်။ပြည်လုံးချမ်းသာပန်းလေးများသည် နံနက်နေထွက်ချိန်၌ပွင့် တက်ပြီး နေဝန်ချိန်၌ ညှိုးနွမ်းသွားတက်သည်။ နောက်နေ့နံနက် နောက်ထပ်ပန်းများပွင့်တက်သည် ပြည်လုံးချမ်းသာပန်းပွင့်များကို မိမိတို့ လိုအပ်သလို ဒီဇိုင်း ပုံဖေါ်ပြီးစိုက်ပျိုးမှုများလာခြင်းကြောင့် ရောင်းအားကောင်းလျက်ရှိပါသည်။ပန်းခြံများ အပန်းဖြေစခန်းများ ဘုရားကျောင်းကန်များ အိမ်ရှေ့ အလှပန်းအိုးများအဖြစ် စိုက်ပျိုးကြသည်။နေရောင်ဆမ်းမှ သူ့ဘဝသူ့အလှ ဖော်ပြနိုင်သည့် ပန်းကလေးများဖြစ်သည်။ စိတ်တွေမွန်းကြပ်နေလျှင် ပန်းပင်လေတွေရဲ့သဘာဝအလှတရား ခံစားကြည့်လိုက်ပါ စိတ်ပျော်ရွှင်ကြည်နူးစေမှာအမှန်ပင်ဖြစ်ပါသည်။ပြည်လုံးချမ်းသာ ပန်းအိုးခြင်း တစ်ခြင်းလျှင် အရွယ်စားပေါ်မူတည်၍ (၂၀၀၀-၃၀၀၀)ကျပ်ဖြင့်ရောင်းချလျက်ရှိကြောင်း ပန်းပျိုးပင် ဈေးကွက်မှ သိရှိရပါသည်။
DOCA (မန္တလေး)