စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်း ဒေသကြီး ဦးစီးမှူးရုံးမှ ဝန်ထမ်းများသည် ၁၀-၇-၂၀၂၅ ရက်နေ့၊ နံနက် (၁၀:၀၀)နာရီ အချိန်တွင် ချမ်းအေးသာဇံမြို့နယ် အ.လ.က (၇) ကျောင်းတွင် စားသုံးသူကာကွယ်ရေး အသိပညာပေး ဟောပြောဆွေးနွေးပွဲ ဆောင်ရွက်ခဲ့ပါသည်။ ထိုသို့ဟောပြောဆွေးနွေးပွဲတွင် စားသုံးသူရေးဌာဦးစီးဌာန၊ လက်ထောက်ညွှန်ကြားရေးမှူး ဒေါ်ဖြူသဲနွယ်က အဖွင့် အမှာစကား ပြောကြားပြီး သတင်းအချက်အလက်နည်းပညာနှင့်အရည်အသွေးစီမံခန့်ခွဲမှုဌာနခွဲ တာဝန်ခံ ဒေါ်အေးငြိမ်းစံ(ဦးစီးအရာရှိ)က စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဆိုင်ရာ ကိစ္စရပ်များ၊ စားသုံးသူရေးရာဌာနခွဲမှ ဦးတင်ချစ်ကောင်း (ဦးစီးအရာရှိ)က စားသုံးသူများ နစ်နာ ဆုံးရှုံးမှုရှိက Call Center ၁၅၃၅ သို့ တိုင်းကြားနိုင်သည့် နည်းလမ်းများ အား အကျယ်တဝင့် ဟောပြောဆွေးနွေးခဲ့ကြပါသည်။ဆွေးနွေးပွဲသို့ ဆရာ/ဆရာမများနှင့် ကျောင်းသား/ကျောင်းသူ စုစုပေါင်း(၂၅၆)ဦး တက်ရောက်ကြောင်းနှင့် ဟောပြောပွဲအပြီးတွင် ကျောင်းမုန့်ဈေးတန်းအား လည်းကွင်းဆင်းစစ်ဆေး ခဲ့ကြောင်းသတင်းရရှိပါသည်။
DOCA(မန္တလေး)