ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် သရက်တောကျေးရွာ၌ သဘာဝဘေးအန္တရာယ် (ရေဘေးအန္တရာယ်) ကြိုတင်ကာကွယ် နည်းလမ်းများအား အသိပညာပေး ဆွေးနွေးခြင်းအား ဇွန်လ(၂၇)ရက်နေ့၊ နံနက် (၁၀:၀၀)အချိန်တွင် သရက်တောကျေးရွာရှိ အနောက်ကျောင်း ဓမ္မာရုံ၌ ကျင်းပပြုလုပ်ခဲ့ကြောင်း သိရသည်။
အဆိုပါ အသိပညာပေး ဆွေးနွေးခဲ့ရာတွင် ကော့မှူးမြို့နယ် စီမံအုပ်ချုပ်ရေးအဖွဲ့ဥက္ကဌ ဦးမျိုးမင်းက မိုးလေဝသ သတင်းနှင့် ကြိုတင်ပြင်ဆင်ခြင်းများ ဆောင်ရွက်နိုင်ရန် အသံချဲ့စက်ဖြင့် လိုက်လံကြေညာခြင်း၊ ရေဘေးသင့်ပြည်သူများအား စက်လှေများဖြင့် သွားရောက်ခေါ် ဆောင်ခြင်း၊ ရေဘေးရှောင်ပြည်သူများနှင့် ကျေးရွာအတွင်းရှိ သက်ကြီးရွယ်အိုများ၊ မသန်စွမ်း များ၊ ကိုယ်ဝန်ဆောင်များကို ကယ်ဆယ်ရေးစခန်းသို့ ပို့ဆောင်ခြင်းနှင့် ကျန်းမာရေးစောင့်ရှောက် မှု ဆေးခန်းအဖွဲ့တို့က ကယ်ဆယ်ရေးစခန်းသို့ ရောက်ရှိလာသည့် ကျေးရွာသူကျေးရွာသားများ အား နေရာချထားခြင်း၊ စာရင်းကောက်ယူခြင်း၊ ကျန်းမာရေးစောင့်ရှောက်ပေးခြင်းတို့အား အသိ ပညာပေးရှင်းလင်းပြောကြား ဆွေးနွေးခဲ့ပြီး ဆွေးနွေးပွဲသို့ တက်ရောက်လာသူများသည် သိရှိလို သည့် အချက်များအား မေးမြန်းခဲ့ရာ သက်ဆိုင်ရာဌာနများမှ တာဝန်ရှိသူတို့က မေးမြန်းမှုအပေါ် ပြန်လည်ဖြေရှင်းဆွေးနွေးပေးခဲ့ကြောင်း သိရှိရပါသည်။
ထို့နောက် ကော့မှူးမြို့နယ်စီမံ အုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များ၊ မြို့နယ်အဆင့် ဌာနဆိုင်ရာ တာဝန်ရှိသူများက သရက်တော မုတ်ကျွန်း တာ ရေရှည်ခိုင်ခန့်နိုင်စေရေး ဆောင်ရွက်ထားမှု အခြေအနေနှင့် ကာကွယ်ရေးပစ္စည်းများ ကြိုတင်စုဆောင်းထားရှိမှု အခြေအနေများအား ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)